日本Legoland 開幕倒數2個月！率先入場食Lego薯條！
廣告
等了又等，名古屋終於可以「脫毒」，不用再做「日本最悶蛋的城市」，因為全球大小朋友期待已久的 日本Legoland 還有2個月便開幕！雖然，世界各地的Legoland都大同小異，都是以「小學雞」遊戲為主，但始終是日本，大家的期待度相當高吧！原來，樂園9成的設施已經完成，2月4、5日更特別開放給傳媒及買了Year Pass的客人優先入場玩！睇下有咩玩同有咩食先！
終於有得食積木薯條！
最令Fans興奮的，便是一系列的「積木食物」，例如積木薯條、積木朱古力、加了積木Topping的雪糕等等，畢竟日本女生都喜歡post可愛的食物相到IG或Twitter，Legoland當然好識做，順便可以當宣傳！
超可愛「旋轉積木」！
入園之後，第一個接觸到的遊戲便是旋轉木馬「Brick Party」！雖然外國的Legoland都有旋轉木馬，但以積木砌成的，就只此一座！而且氹氹轉的不是木馬，而是動物及電單車！全部顏色都非常繽紛，我作為Lego fans，最恨玩便是這一個！
1萬個Lego「人仔」最啱集郵
就算無遊戲啱玩，成年人Fans都可以同Lego人仔Selfie！因為園內大大小小的Lego人仔多達1萬個，而且更是「隨處放」，玩集郵都應該玩到攰！
