日本東京超治癒迷你豬Café 超嗲人任摸任抱唔嬲
廣告
貓狗Café可能大家都有見過或去過，但以迷你豬為主題嘅Café唔知大家又有無見過呢？日本東京就有一間3月1號剛開幕不久嘅豬仔Café，瞬間爆紅人氣爆棚，吸引咗唔少日本同外國旅客去影相打卡！豬仔仲好識嗲人抱抱同摸摸！
撰文：GW｜來源：Mipig cafe、[email protected] @mugi821bear @myuym10 @mipigcafe
「Mipig Café」位於東京目黑區，是一間4層樓高的Café，各種不同顏色的迷你豬會在Café內走嚟走去同人玩，有啲會趴喺到曬吓太陽非常梳乎，有啲會跑去同人玩嗲人抱抱，有啲仲識才藝表演添！
豬仔嘅可愛模樣非常療癒，看到豬仔懶洋洋瞓喺自己大腿上或者身邊，煩惱即時一掃而空啊！
可能會有人擔心豬仔比較污糟，甚至會有異味等等，但據光顧過嘅人所講豬仔都不會有味道，甚至有點香味，因為他們像平時的寵物一樣，每星期都有人幫他們洗澡。而且店舖非常注重衛生，客人進入及離開店舖時都要清潔及消毒雙手。
雖然「Mipig Café」不是開業很久，但已經紅遍Twitter、IG，不同國籍的網民都被可愛的迷你豬收服！網上可以找到不少網民貼出的豬仔合照，非常有愛啊！
想去的網民要注意了，「Mipig Café」需要提前預約，所以客人去之前請先約好時間，逾時到達不會補時，所以千萬不要遲到啊！詳細地址及預約網址在文章最下方。
識才藝表演的豬豬：
預約網站及地址
客人如果想去同可愛嘅豬仔互動，要先到上面官網預約，每位客人首30分鐘收費800円（約$57港元），包1杯飲品，其後每30分鐘500円（約$36港元）。
地址：東京都目黒区目黒4-11-3
營業時間：10am – 8pm
