超精美！新版日本護照隱藏富士山水印！|日本|

May 26 2016

日本護照轉新設計？當然唔係轉封面，而係轉內頁設計。2019年起，日本護照會由原本嘅櫻花壓紋設計，轉為江戶時代浮世繪大師葛飾北齋晚年經典之作《富嶽三十六景》中的作品，就咁聽個名可能覺得陌生，但係睇完大師嘅作品，你可能會有少少印象，依家就帶大家睇睇啦！

超精美！新版日本護照隱藏富士山水印！

日本外務省表示，為咗迎接 2020年嘅日本東京奧運會，所以護照會有新嘅設計，希望新既日本護照可以向外界展示更多日本特色與文化。

點解揀葛飾北齋嘅《富嶽三十六景》？因為葛飾北齋大師係日本浮世繪嘅名家，而浮世繪曾經影響19世紀嘅繪畫風格，有唔少著名畫家，例如梵高，都受浮世繪影響。而新日本護照內頁將會係採《富嶽三十六景》其中24幅圖作背景。

有無覺得下面呢張圖熟口熟面呢？你未去過日本都會見過，因為有唔少明信片都用《富嶽三十六景》嘅題材，就係日本嘅象徵富士山！《富嶽三十六景》中最常見嘅就係呢幅，凱風快晴嘅赤富士、神奈川沖浪裏嘅大浪。

《富嶽三十六景》中每幅都有富士山，除咗景，仲有描繪唔少人同動物喺富士山嘅情況。

好羨慕日本人可以有一本藝術作品集做護照，可惜大家唔係日本人唔可以擁有一本，新版護照將會喺2019 年發行，大家到時就可以睇到護照完整版！

關鍵詞