2016 日本文具 店大賞 ！嚴選15大實用佳品！

由扶桑社舉辦、 第三屆 日本文具 店大賞 （2016文房具屋さん大賞）早前公佈得獎名單，經過專業審查，今年分成大獎、新品獎、高CP值獎、設計獎、好概念獎、評審特別獎及各部門獎。以下為大家嚴選實用又抵買的 15件優勝作品！

2016 日本文具店大賞！嚴選15大實用佳品！

01.大獎得主－ 唔係筆刨咁簡單！短鉛筆接駁器 同時延長倆壽命

同時為「GOOD DESIGN AWARDS 2015」得獎作品，睇落似筆刨，原來仲可以變成短鉛筆接駁器。
只要將兩枝短鉛筆打洞再接駁，即可環保再利用，物盡其用！

中島重久堂－TSUNAGO鉛筆接駁器
售價：1500日元（不含稅）／約112港元

02.新品獎得主－ 水筆筆觸原子筆 點寫都得！

愈來愈多人鐘意手寫文字，呢枝可以寫出水筆效果嘅原子筆，筆觸同線條粗幼順書寫力度而改變，易寫又抵買！

三菱－uni-ball AIR原子筆
售價：200日元（不含稅）／約15港元

03.高CP值獎得主－不用分那麼細，水性油性都有齊！

水性筆油定性筆？二選一真係好難。話明高CP值獎，開發商以乳化油墨技術研製出介乎水性油性之間的真順筆，好寫又型格。

斑馬牌－ Surari 300 真順筆
售價：300日元（不含稅）／約22港元

04.設計獎得主－花紋多多 MT膠帶

款色多多，是將日用品加工改造的好法寶！

mt CASA－紙膠帶
售價：450日元（不含稅）／約34港元

05.好概念獎得主－唔使用釘嘅釘書機

無釘都叫釘書機？無錯！用上按壓式技術，唔怕釘到手之餘亦無需額外購買釘書釘補充裝，非常划算。

國譽KOKUYO－ Harinacsα 無釘釘書機
售價：600日元（不含稅）／約45港元

06.評審特別獎得主－筆型鉸剪 輕便易攜

大大把鉸剪帶出街，總會驚整傷人又驚𠝹到個手袋。呢把，得喎！

PLUS －Twiggy易攜筆型剪刀
售價：650日元（不含稅）／約49港元

07.擦膠獎得主－擦得乾淨 返學必用！

相信學生哥對佢一定唔會陌生，實用之外擁有黑色外型，擦到污糟都唔怕！

蜻蜓牌－ MONO黑 擦膠
售價：60或100日元（不含稅）／約4.5或7.5港元（根據大小而定）

08.𠝹刀獎得主－多款醒神顏色任你揀

外型圓滑之外，仲有多款顏色可供選擇。

國譽KOKUYO－ C3𠝹刀
售價：300日元（不含稅）／約22.5港元

09.顏色筆獎得主－曲面都可以high-light到！

市面所見螢光筆筆頭通常比較硬，呢枝恰恰相反，較軟筆頭，易寫易記錄。

斑馬 just fit 顏色筆
售價：100日元（不含稅）／約7.5港元

10.間尺獎得主－一黑一白最型格

間尺性能大致相同，勝在顏色夠型。

raymay藤井 －黑白尺
售價：120或280日元（不含稅）／約9或21港元

11.萬字夾獎得主－紙質萬字夾 慳位之選

真係唔可以以貌取文具，呢件法寶原來係日本流行嘅紙質萬字夾。
夾文件時唔會好似萬字夾咁拱起之外，廢紙回收時亦唔需要逐一拆除，慳位又慳時間。

最大－DELP 萬字夾
售價：300日元起（不含稅）／約22.5港元起

12.MEMO獎得主－卷軸型MEMO 長短由你定

寫MEMO時，寫得太多又怕唔夠位，卷軸型就適合不過。

YAMATO－MEMOKKU 卷帶
售價：300日元至420日元（不含稅）／約31.5港元

13.膠貼獎得主－好細部！輕巧便攜雙面膠

想黏貼又唔想帶住大大卷雙面膠周圍走，呢個細到可以放係手心既膠貼機就最實用。膠貼上面仲有點點圖案，唔怕單調。

國譽KOKUYO－Dotliner
售價：210日元（不含稅）／約16港元

14.鋼筆獎得主－永不過時！多用途鋼筆

書法用，得！商務用，亦得！得咗！

PILOT－繭鋼筆
售價：3000日元（不含稅）／約225港元

15.塗改帶獎得主－顏色鮮豔塗改帶

操作順暢，唔怕改改下卡住用唔到。另外，咁鮮色，唔驚會唔見啦！

PLUS－WHIPER MR
售價：250日元（不含稅）／約19港元
經常使用文具嘅你記得要留意選購喇！