日本必食! $55日本士多啤梨放題
廣告
日本士多啤梨當造，喺香港買一盒，貴的閒閒地都要百幾二百，平的幾十蚊有盒。雖然已經好平，但得十幾粒，點會滿足到士多啤梨迷呢？
將會去日本的士多啤梨迷有口福了，皆因創作料理餐廳「三尺三寸箸」與中華料理餐廳「上海柿安」即日起至5月推出任食士多啤梨放題，食自助餐每位加¥777（約港幣$55）就可以瘋狂食士多啤梨，唔任食可以只加一碟，但都要¥680（約港幣$47），梗係任食抵啦！
放題提供的士多啤梨品種係福岡花咗六年時間研製出嚟，水準絕對唔差！本身兩間餐廳的質素唔差，上海柿安提供中式料理，有點心、麻婆豆腐等，三尺三寸箸提供和、洋、中的之創作料理，加上士多啤梨放題，食返三、四十粒，包你捧著個肚走！
當然，大家會問呢個士多啤梨放題係附帶於自助餐之中，到底個Buffet又幾多錢呢？根據官網顯示，自助餐有午餐（11:00-17:00）及晚餐（17:00-23:00）之分，午餐自助餐價錢1,566円至2,019円（約港幣$108-$139），而晚餐自助餐價錢由1,944円至2,430円（約港幣$134-$167），視乎邊間分店而定。不過，菜式好多都係中菜，相信大家未必有好大興趣，睇下大家會否為個士多啤梨放題，而多付百幾蚊啦。
提提你：
想食的朋友留意返！全線上海柿安都有士多啤梨放題，而三尺三寸箸，除咗玉川高島屋S·C店、日比谷店同JR京都伊勢丹店之外，其他分店都有供應。去食之前，記得預約啦！
上海柿安
分店資料：http://www.kakiyasuhonten.co.jp/brand/5shanghai/
