【日本藥妝】2018年新出！9支新登場日本化妝水測試｜CLINIQUE超清爽、DHC平靚正！
撰文：Carmen｜圖片來源：《LDK》、相關機構
測試方法
TEST 1：保濕持續力
使用能夠測試肌膚水份數值嘅專業儀器，檢測本來嘅狀態、同塗抹後3小時嘅肌膚水份值。將本來嘅狀態設定為100％，再將3小時後嘅肌膚水份值以「保濕持續力」作評價。
TEST 2：成分
由國際毛髮皮膚科學研究所所長兼理事，井上哲夫先生，檢查對肌膚好嘅有效成分，同希望避免使用嘅成分等，評定產品成分構成是否平衡。
TEST 3：使用感
塗抹30秒後，用手按到紙碎堆中，透過觀察有幾多紙碎留喺手上，嚟測試產品係黏膩定清爽。結合實際使用感一同評定。
測試結果
評級C：SHISEIDO資生堂 Gentle Force Treatment Softener
售價：5,076円
保濕持續力：✭✭✩✩✩（152.1％→97.7％）｜成分：✭✭✭✩✩｜使用感：✭✭✩✩✩
塗抹時明明有黏膩感，保濕力卻低下，讓人失望的產品。3小時後的水份值與本來的數值幾乎一樣，塗抹後持續感受到黏膩感，亦成為了低評價的原因。
評級C：FANCL AND MIRAI Skin Up Lotion I
售價：2,484円
保濕持續力：✭✭✩✩✩（164.3％→82.4％）｜成分：✭✭✭✩✩｜使用感：✭✭✭✩✩
3小時後嘅保濕持續力只有82.4％，係所有產品之中排行最低。而且成分表中第2項就寫有加入咗刺激性強烈嘅乙醇，也是令人失望嘅一款產品。
評級B：cutura N化妝水（保濕化妝水）
售價：1,296円
保濕持續力：✭✭✭✭✩（178.1％→112.3％）｜成分：✭✭✭✭✩｜使用感：✭✭✩✩✩
雖然是平價品牌，但無論保濕力，還是成分都有高評價。成分配合加入咗「KE-99乳酸菌」、「雙歧桿菌屬」等作為保濕劑，成分同保濕力獲得高評價。唯一美中不足嘅係質地較黏膩。
評級B：THREE Treatment Lotion
售價：6,480円
保濕持續力：✭✭✭✭✩（157.2％→119.7％）｜成分：✭✭✭✩✩｜使用感：✭✭✭✭✩
塗抹後立即有清爽感，質地不黏膩卻有高保濕力。但因成分裡加入咗乙醇而令整體評價下降。
評級B：CLINIQUE Moisture Surge Hydrating Lotion（保濕化妝水）
售價：4,104円
保濕持續力：✭✭✭✩✩（166.3％→102.3％）｜成分：✭✭✭✩✩｜使用感：✭✭✭✭✩
雖加入咗多方面能為肌膚保濕嘅成分，但保濕持續力只有102.3％，效果一般。質地清爽不黏膩，使用感有高評價。
評級B：AYURA Balancing Primer Extra I
售價：6,480円
保濕持續力：✭✭✭✭✩（224.9％→119.8％）｜成分：✭✭✭✩✩｜使用感：✭✭✭✩✩
無論係剛塗抹後，定係塗抹後3小時，保濕力依然驚人！質感較稠，帶有稍稍令人在意嘅黏膩感。
評級B：EVITA Botanic Vital Deep Moisture Lotion
售價：1,566円
保濕持續力：✭✭✭✭✩（168.1％→117.3％）｜成分：✭✭✩✩✩｜使用感：✭✭✭✩✩
保濕度高，使用感比較上乾爽。但加入咗乙醇同紫外線吸收劑成分，有機會反而加重咗肌膚嘅負擔。
評級B：Sofina jenne年輕混合肌適用 水油平衡化妝水
售價：2,052円
保濕持續力：✭✭✩✩✩（140.3％→85.3％）｜成分：✭✭✭✭✩｜使用感：✭✭✭✩✩
產品名雖然寫有「高保濕」，但喺呢次測試中，保濕持續力無法回應用家期待。即使加入咗好嘅成分，效果仍是令人遺憾。
評級A：DHC Mineral Silk Moisturizer
售價：2,376円
保濕持續力：✭✭✭✭✩（238.2％→114.9％）｜成分：✭✭✭✭✭｜使用感：✭✭✭✭✩
塗抹3小時後嘅肌膚水份值保持喺114.9％，對肌膚有壞影響嘅成分1樣都冇！塗抹後有適度嘅保濕感，但乾透吸收後毫無黏膩感，係喺今後愈來愈熱嘅季節中非常推薦使用嘅化妝水！
