【揀日本青提】達人教路，一眼睇出香印、晴王甜唔甜！
廣告
【揀日本青提】香港人近年愈來愈捨得食日本貴價的水果，士多啤梨、桃、蜜瓜都未算貴，神級日本青提（麝香葡萄）如香印、晴王，一般都起碼二、三百蚊一串，果實大粒一點的話，就要五、六百蚊，如果唔甜真係會好傷心，不如又睇下日本電視節目《相葉マナブ》點教大家！
兩者的分別，係A的顏色比較濃，B則較明亮。
揀好未？渡部建揀A，相葉雅紀同澤部佑就揀B！
「銀座千疋屋」的買手表示，一般人都會揀A，大家普遍認為水果顏色愈濃愈甜。
而正確答案，其實係… B！
B，「飴色」（即糖果色）的青提比較甜。
原因係，青提愈吸收多太陽光，顏色就愈明亮，甜度更高！
記住喇！青提顏色愈明亮就愈甜愈好食！
