慘慘豬！ 獨女 婚攝 一人遊|杜遊珍|
廣告
近兩年阿珍老友中女C 日日問有冇筍盤介紹，不過要求多多又要靚仔又要有車有錢有樓，聽到阿珍真係反晒白眼！近日再約食飯，心知不妙以為又要聽幾個鐘「理想對象條件」之際，估唔到中女C 竟然話決定放棄，不過唔心息諗住死前一定要著一次婚紗影相喎！
獨女 婚攝 ！效過搭救！
哇！一個人影咁絕？阿珍我一定奉陪到底，仲教你唔使去淘寶租男友都一樣影到！事關京都有Local Tour 公司推出「一人婚攝」服務，兩日一夜包專業化妝、交通酒店、婚紗租借等服務，連同專業團隊去私家場景影相，一個人著婚紗都唔怕畀人白鴿眼，勁貼心！而且全 程有專人服侍勁歎，怕悶仲可以叫工作人員陪你食飯！整個套餐費用約¥350,000/HK$25,000，聽落有啲貴？阿珍就覺得物有所值！老實講，二萬 五蚊買到單身中女人生願望第一位，點計都抵玩吧！
拍攝效果絕不馬虎，不過睇落始終孤獨咗少少。
唔想用咁多錢？惟有學圖中男子準備小道具吧！（首先你要有勇氣……）
咁都得！？
