唔食就Out！東京大食美國過江龍【東京】

Jul 27 2015

新一季《東京攻略》令大家恨飛東京喪食喪買！節目中杜如風介紹過的紐約名店Luke’s Lobster，其實記者一早食咗，仲發現有2間美國過江龍，都值得一食㗎！

1. 2pm前賣完滿瀉龍蝦包

Luke’s 於09年在紐約開幕，因價格相宜用料足，大受New Yorker歡迎，在紐約已有14間店。海外直營分店在東京5月開，現在匯率低，還比美國平兩成。招牌龍蝦包同樣用上緬因州的新鮮龍蝦，夾在以牛油烤香的鬆軟麵包中，與蛋黃醬交融之味，確是美味!由於每日限定販賣300個，午飯過後通常只剩蟹包和蝦包，雖然也不錯，但有心吃還是正午前好來！

龍蝦包 ¥1,580/HK$98 （必食！）比美國便宜兩成，但沒有將貨就價，鮮甜的龍蝦肉多得很，唯獨是醬汁可以再多一點，會更令人滿足。

創辦人Luke Holden 我在家鄉緬因州港口專營新鮮龍蝦，所以取得又平又正的新鮮龍蝦製成 Lobster Roll。

Luke’s (表參道店)
•地址：東京都渋谷区神宮前6丁目7-1 （顯示地圖）
•電話：+81(0)3-5778-3747
•營業時間：11am-8pm
•交通：東京地鐵明治神宮駅步行5分鐘
•網址：lukeslobster.jp

2. 百人排食日本限定 Cronut

2013年以牛角包和冬甩混合體 Cronut 熱爆全球的 Dominique Ansel Bakery，曾獲《 Time Out New York 》評為2012年最佳新餅店及被網站選為「死前必須光顧的 25間餅店」。表參道這間是唯一海外分店，店子分三層，樓下是餅店，樓上兩層有堂食鹹點。除了招牌的 Cronut、燒棉花糖和曲奇牛奶杯，日本店有多款限定甜點，包括綠茶餅和招財貓造型的泡芙，非常可愛。