和風民宿 × John Ho繪本 長住先好揀！
廣告
提起Airbnb，大家總會想到黃秋生，廣告在上年爆紅，可惜片中的和室庭園被我們踢爆純屬拍攝場景，真心嬲！好消息是近日插畫家John Ho就在臉書介紹一間東京Airbnb 和風民宿 ，一幢兩層的和室獨立屋，裝修新淨，一晚約$700有交易！最特別是屋內掛上他繪製的6幅畫作，忠粉隨即留言問價！記者亦唔執輸致電求證，發現筍盤主人原來係佢……好朋友Eric搬竇後，將單位翻新出租。
撰文：阿妹 | 圖片：網上圖片
John表示 和風 靚屋亦是他旅居日本的住處，由於該區是民居，生活感較強，讓他好好體驗日本的平民生活。嘩！很想要吧？不過他明言單位未必適合短途旅客，因房東規定最少要租5日以上，此外， 和風 筍盤唔近市中心，從新宿出發到田無站，落車再行15分鐘左右，全程都要成35分鐘，出原宿幾乎成個鐘！縱然如此，單位已吸引長途客查詢，租期最長3個月，成事的話，睇怕大家要等到9月先住到！
John Ho繪本Airbnb
房價： 最多 3人入住，每晚$1,146；1人入住，每晚$687（最少住5晚）
地址：西東京市Nishitokyo-shi,Tokyo
交通： 西武新宿站坐急行搭4個站，在田無站落車再步行15分鐘。
網址：airbnb.com/rooms/13549678
