【北海道初雪】3℃以下寒流湧入！旭岳山頂明日落雪札幌最低氣溫13℃

Aug 16 2018

【北海道初雪】8月嘅香港，日日都三十幾度熱到傻，近排落雨叫做涼返少少啦。但如果同你講，接連打破高溫紀錄嘅日本，處於最北面嘅北海道，聽日就會迎來初雪，你呢刻嘅心情係點？

撰文：Yutorin｜圖片來源：Weather News JP

北海道山頂現寒冬預兆有初雪可能性

日本天氣預報網站指出，明日（17日），北海道上空1,500m附近將有3℃以下嘅寒流湧入。

北海道最高山峰，標高2,291m踲旭岳等等，高約2,200m前後嘅山頂附近接近0℃。因亦有落雨嘅可能性，預計雨水可能會混有部分雪花。

即使未至於落雪，亦可能有超過15m/s嘅強風同雨，氣溫偏低。因預報明日天氣有別於夏日山峰應有嘅狀態，建議喺行山前先確認當地狀況，唔好強行登山。

18日則低氣壓、寒流均向東面遠離，天氣該會回復安定。

礙於寒流嘅影響，北海道各地嘅天氣顯著下跌，札幌最高氣溫19℃，旭川則約16℃。由於氣溫同10月份嘅不相上下，如果要去北海道，記得帶多件衫，小心寒冷天氣呀！

關鍵詞