【穿搭技巧】日本潮人的配搭黃金法則｜切勿忽略衣物「線條」！A、I、X、Y型襯法
廣告
【穿搭技巧】相信唔少人都曾經覺得，穿搭真係一件又難又麻煩嘅事，又或者覺得自己點襯都唔好睇，咁可能就係因為你忽略咗「線條」！根據唔同衣服嘅cutting同design，著上身會有唔同視覺效果，把握好每件衣物嘅「線條」，就能夠簡單襯出「潮味」！
撰文：Carmen｜圖片來源：網絡、#CBK｜編輯：姐
日本潮人的配搭黃金法則
1. A形線條：「輕飄飄」的女性化穿搭
一啲設計「輕飄飄」嘅傘裙就係最適合「A形線條」穿搭造型單品。由腰至裙腳範圍都能輕盈地似雨傘般展開嘅A形線條設計，能夠營造更女性化嘅印象。
喺女子會、約會等，想表現得更女性化時，推薦用A形線條穿搭。
2. I形線條：提升潮流感
直身嘅「I形線條」對於瞄準提升潮流感嚟講非常有效。由於只需強調直向線條，所以非常適合鍾意簡約風穿搭嘅人。
3. Y形線條：瞄準更具帥氣風的穿搭
由肩膊去到雙腳，線條逐漸收窄嘅就係「Y形線條」。只需選擇寬鬆、有分量嘅上衣，同窄身嘅bottom，就能簡單完成Y形線條穿搭。除咗適合簡約風，亦都適合想穿出更高層次潮流感嘅人。
4. X形線條：用腰帶束起
雖然同A形線條相似，但只於腰間部分束起，就係「X形線條」嘅做法。比起女性化嘅A形線條，更加有女性魅力，能營造出更女性化嘅印象。
學習好好使用腰帶，或者選擇有waist mark設計嘅款式，就能穿出X形線條。
