【長假拍拖去邊好？】南區新景點，香港都可以好浪漫、好文青！
至新浪漫景點「情人牆」
「情人牆」係淺水灣最新浪漫景點，由街頭藝術家將世上最浪漫文字「I Love You」嘅不同語言，一筆一劃手繪到牆上。情侶們嚟到，記得要喺牆前合影，將呢句「我愛你」嘅宣言記低！
呢幅藝術作品係「期間限定」，展出到3月31日咋！
LOVERAMICS 大玩陶藝彩繪
睇完手繪街頭藝術「情人牆」，你都可以同另一半玩下陶藝彩繪，一邊飲有機花茶，一邊手繪屬於你哋兩個嘅碗或杯，真係好浪漫呀！啱晒一眾鍾意DIY嘅文青情侶！
名人東南亞食堂Limewood
由名媛薛芷倫開嘅餐廳Limewood，菜式均由獲獎無數的Maximal Concepts餐飲團隊設計，東南亞、夏威夷、南美和加勒比海風味嘅美食都有，唔少明星都有嚟捧過場。睇住淺水灣海景、吹住海風嘆美食，真係夠晒浪漫！
海邊睇日落靚景
唔講唔知，原來淺水灣被評為香港最靚泳灘之一！玩完一個下晝，再去沙灘拖住手仔漫步睇埋日落，為淺水灣一日遊畫上浪漫句號。
