腰痛背痛點算好？物理治療師教你預防+舒緩腰背痛！
我哋長期手機不離手、坐著用電腦、打機、煲劇等，家庭主婦每日重覆做家務等，以上種種嘅生活習慣令好多人都有「肌肉和筋腱勞損」嘅問題，而最常見會出現腰背痛，但如果唔理久而久之會惡化變成椎間盤突出或者腰椎前凸損失，咁就手尾上兼嚴重影響日常生活！
A: Angel Au M:MORE
M：都市人係咪容易出現腰背痛問題？成因主要係咩呢？
A：我嘅診所有一半人都係因為腰背痛而求診，不分男女，年齡更有年輕化跡象。因為香港人經常坐，而且坐嘅姿勢唔正確，又或者要長時間企、重覆性工作都會出現呢個問題，在大多數情況下，腰背痛會持續數日，之後會慢慢消退。而腰背痛通常係指腰背部位置的組織，如肌肉、肌腱、椎間盤、椎骨關節因為肌肉過度勞損、繃緊、肌肉負擔過重而引發疼痛。
M：如果我哋長期莫視腰背痛，嚴重時會出現咩問題？
A： 如果你開始有腰背痛，其實就係身體嘅警號，如果唔去理會，可能會出現「椎間盤突出」或者「腰椎前凸損失」。比較常見嘅「椎間盤突出」，即係骨同骨之間嘅好似啫喱嘅軟組織流出，刺激到椎間盤神經線，患者除咗感到腰背更痛之外，更無法久坐同埋企太耐，情況耐咗，雙腳會感覺麻痺及無力。
M：經常聽到身邊嘅朋友話有腰背痛問題，而佢哋通常都係經常坐office、經常要企、體力勞動，甚至連產後媽媽都有腰背痛問題，原因係咩呢？
A：長期著高跟鞋、肥胖、長期坐姿不良或者經常體力勞動用錯力會有呢個情況出現，主要原因乃係腰椎向前凸、胸椎向後仰。
另外，肥胖人士因腹部脂肪過多、缺乏Core肌肉去支撐身體，加上背部肌肉因經常久坐或走路引致過度繃緊，都會引致腰背痛。而大多數腰背痛患者都缺乏腰背伸展及腹肌鍛煉，引發慢性腰背痛問題。
產後媽媽盆骨都會有前傾問題、或者係產後腹直肌分離症，都會令媽媽患上腰背痛。
M：按摩、刮沙及膏布對呢類痛症有幫助嗎?
A：普遍人只會坊間呢啲方法去紓緩痛症，但只係治標唔治本，呢啲方法只係有舒緩嘅作用，但係身體骨骼嘅結構唔會因為咁樣而得到治療。
M：有方法可以預防這類痛症嗎？有咩生活習慣或食物可以建議？
A：我哋嘅人體唔可以長期都係keep住一個姿勢，所以大概45分鐘至一小時就要做下伸展活動一下，而且應盡量保持日常活動同埋多做運動，去強化、放鬆我哋嘅側腰肌肉、腹肌等，有肌肉支撐住身體，自然能夠減輕我哋腰骨負擔。另外避免長時間躺臥休息，要坐有椅背嘅椅子，坐嘅時候背部一定要伸直。坐下時雙腳平放喺地上或腳踏上，睡承托力高嘅床墊都有幫助。飲食方面我自己係一個治療師又係一個長跑運動員，以我自己嘅習慣會少食肉，因為肉類會令容易身體產生炎症。
M：除咗運動仲有其他治療方法係比較快捷同有成效呢？
A： 平日可做針對性運動加強訓練肌肉，但如果痛症持續，或情況嚴重最好搵專業嘅醫生或物理治療師。當有病人求診時，例如我哋物理治療師通常都會先診斷病人痛症原因及情況，再按個別情況會做一啲手法治療、冷熱敷同埋配合相應儀器令治療效果更快更有效，可能會用到超聲波、衝擊波、腰椎牽引儀等
私心推介：「SIS聚焦式電磁波治療」療程迅速紓緩各種痛症 減輕痛楚達87%*
睇完物理治療師Angel Au訪問，更深入了解腰背痛因由，大家除咗要多做運動，其實除咗腰背痛，仲間中有膞頭痛、頸痛等問題，之後就做咗SIS療程，又快又有效減輕痛楚！今次就私心推介俾大家！
究竟咩係BTL Super Inductive System「SIS聚焦式電磁波治療」療程呢？佢係以專利技術，用高強度聚焦電磁場，精準地深入痛楚根源，收緊及放鬆肌肉，紓緩因姿勢不良、長期勞損或不同成因，例如︰因肌肉發炎、軟組織發炎（如筋膜炎、肌腱炎等）或神經受損而引致嘅腰背痛，仲可治療多種神經肌肉及關節痛症不適。
除咗紓緩我哋嘅腰背痛，仲可以做到痛症管理、促進骨折癒合、減少肌肉痙攣、刺激肌肉、及提升關節活動能力。而呢部儀器更加被好多醫院、康復中心、物理治療中心使用添！
係咪聽完好想試？唔好等即刻去BTL Facebook了解更多詳情啦：https://www.facebook.com/BTLMedicalHK/
* Zarkovic D, Kazalakova K. Repetitive Peripheral Magnetic Stimulation as Pain Management Solution in Musculoskeletal and Neurological Disorders – A Pilot Study. International Journal of Physiotherapy. 2016; 3(6):671-675.
^ Pětioký J, Váňa Z, Šubert D, Žarković D, Bittner V. Repetitive Peripheral Inductive Stimulation in Musculoskeletal Pain Management – A Pilot Study. Rehabilitace a fyzikální lékařství. 2016; 4(23):195–200.
(presented by BTL)
