$98下午素食自助餐 乳酪雪糕無限添食【荃灣食乜好】
廣告
一向做開乳酪雪糕店的Red Mango，最近踩入素食界，新開分店推出素食自助餐，仲找來素食達人Elvis 擔任創意煮廚，同有入廚20幾年的意菜廚師Ronald 合作，炮製出一系列創新素食。
餐廳設每日三場buffet，午市一場，晚市兩場，限食1.5小時，時間雖然唔算長，但餐廳面積不大，行幾步就可以出去攞嘢食，平日慢食個飯，時間尚可。
餐廳設有沙律吧、蒸爐、熱盤、冷盤及甜品區，午市約有25款菜式， 晚市則30多款， 主要以中、意菜做主打，由傳統中式燜菇菌及包點，到意式的如水牛芝士、秘製焗薯及烤飯糰等都有，大多以輕食為主。
值得一提是自助餐菜式全不含五辛，部分菜式含有蛋或奶成分，但都清楚以圖示標明。自助餐內亦可任食到Red Mango 的乳酪，但每日只精選一款口味，且不包Toppings。奶製的乳酪純素者未必啱食，所以餐廳亦有純素蛋糕，不含蛋奶，令全素人士都有選擇。不過飲品方面就只有咖啡同水，選擇較少。
