有機？ 區區有伏中
廣告
撐本地有機菜，都要識得揀，咪以為豎個牌寫「有機」就係正菜。香港有機資源中心的年度《濕街市商販有機蔬菜及水產銷售實況調查》的結果剛出爐，他們走訪87個濕街市共425個菜檔，發現北區、荃灣區、港島東區及南區都是疑售假有機菜的黑點，其中在北區3個濕街市的抽查中，聲稱賣有機菜的菜檔全部只口述或手寫「有機」二字，但無展示有效證明。正所謂口講無憑，你信就笨！
不過中心提醒，貼有證明都有機會中伏，就樂富街市同大埔墟街市為例，就發現過期的證書；在沙田街市則有菜檔混雜非認證有機菜一齊賣，但好難監管，皆因現時政府仲未對「有機標籤」立法。想買有機，記者都係覺得多啲去農墟或農場，認識多啲本地時令品種同有機種植最實際。
點揀有機菜？
1. 咪信手寫牌，要有效認證標籤或證書，並留意有效日期
2. 睇清楚證書上列明該有機農場出產的菜種
3. 有機同常規菜會分開擺，避免交叉污染
4. 水耕不等於有機
5. 問下檔主，能解釋何為有機、農場來源及時令菜種等最好。
延伸閱讀：我的回春食糧@麻瓜鄧
