韓牌「 The Plant Base 」全天然潔淨面膜! 清黑頭試用報告

撰文：Mandy

The Plant Base 咩來頭？

為甚麼今次選擇 The Plant Base 這個品牌？因為它標榜成分全天然，以植物提取液取代水，全韓國製造，最重要的是無動物測試。炎炎夏日，今次就決定一試它的Pore N 摩洛哥岩泥緊緻毛孔潔淨面膜。

即試面膜有幾乾淨！

這款面膜的主要成分是摩洛哥岩泥以及丹寧水，岩泥一向都出名潔淨效果強勁，最啱對付黑頭，所以都對這個面膜幾高期望。

使用方法與普遍潔淨面膜差不多，做好簡單的面部清潔後，把面膜覆蓋面部，避開口眼位置，10分鐘後以微溫水清洗即可。

面膜的質地比想像中稠身，而且快乾，所以使用時記得要快手d！

雖然說明書指要敷10分鐘，但我發現大約6、7分鐘面膜已開始乾，面部變得非常緊，如果唔想令面部水份被抽得太乾，提建可早少少把面膜洗掉。

用後感：黑頭明顯減少

因為Mandy的皮膚一向都不錯，只有鼻頭的部分比較多油，所以今次用後T字位效果比較明顯，鼻頭的黑頭減少，連紅印都明顯減淡！而且吸油效果超強，皮膚變得乾爽，毛孔都收細了。

但由於我兩頰的膚質本來就不錯，使用緊緻面膜後反而有點太乾，所以事後亦做了一些保濕工作。如果你也像我一樣，只是T字位比較多油的話，建議大家只敷T字位就可以了。

總括而言，這個潔淨面膜解決了我長期以來的黑頭問題，功效超明顯，是油性皮膚人士的恩物。但若果閣下的皮膚屬乾性，可能就會略嫌太乾。

用完之後才後發現，原來最近於Wishh!有優惠，買任何同品牌產品，即可以$136換購Pore N摩洛哥岩泥緊緻毛孔潔淨面膜，等我之前還以正價$226買了，大家記得趁特價去買喇！

不過護膚始終是一場長期作戰，最重要都係姊妹們持之以恆，有恆心才是扮靚王道，大家加油！