Nike Dr.Martens都極推!! 年度必備Pantone顏色
廣告
春夏又到！女孩子們又要開始為自己準備新一季的穿搭。Pantone顏色絕對係今年的Must have，去年年尾，Pantone更選出了「玫瑰石英粉紅」及「寧靜粉藍」為2016 年度顏色！輕鬆打扮出斯文可愛造型又得、時尚率性的造型都得！不少化妝品及服裝品牌都推出Pantone顏色的商品順應潮流，咁又點少得波鞋襯埋一套呢? 今次就同大家預覽今年大熱的Pantone波鞋啦！
Nike AirHuarache Run
AirHuarache早在兩年前已經掀起過熱潮，不少潮人都有一對，貪佢容易襯衫！而今年再推出粉紅、粉紫同米色三隻顏色，少女味極濃，相信一定好受歡迎！筆者都好想入手一對呀！不過香港暫時唔會入貨，要買就要搵下代購網店幫手喇。
Dr. Martens
Dr. Martens雖然一向走型格街頭、搖滾路線，但都抵不住pantone熱潮，將自家幾對Classic鞋款推出粉紅及粉紫色，少女超超超濃，而且香港已經有得買喇！唔知大家又啱唔啱呢?
8 孔短靴
搭扣 Mary Jane
3 孔紳士鞋
Vans Sk8-Hi
Vans就推出了一系列粉色 Vans Sk8-Hi，三隻顏色分別有粉紅、米白、粉綠色，好似啤梨、雲尼拿、薄荷雪糕一樣!Sk8-Hi是Vans的經典款色，超容易配襯。而且三個品牌當中價錢最相宜，現已於時尚網店 Feature發售，非常值得入手一對夏天襯下衫啊！
