IPSA 透明粉撲 ! 日本紅爆美妝界新品
廣告
日本IPSA最新推出 透明粉撲 ！呢塊矽膠透明粉撲，唔係你想買就買到，要喺日本專櫃購買其品牌粉底液加其他彩妝產品，買滿6000日圓，才會贈送。而台灣就預計8月上市，不過，同樣也是非賣品。雖然香港未有得換購，都可以先望下已購入透明粉撲網民們的試用報告，睇下係咪真係咁好用。
IPSA 透明粉撲！網民試用報告
評語一：質地如手指般柔軟
網民讚IPSA透明粉撲塗粉底液嘅感覺好好，就好似直接用手指咁。而且，讓粉底有光澤感，也容易塗抹均勻。比用手指塗嘅方法更方便。但亦有網民較支持傳統粉撲，感覺膠質粉撲拉扯著皮膚，粉底液搽得唔均勻。但可能基於各人膚質唔同，所以都係要試過先知。
@1125sawa 張貼的相片 於 張貼
tomo（@yth_nail）張貼的相片 於 張貼
評語二：外形像矽膠鞋墊，不如直接用鞋墊？
呢個海綿粉撲外形猶如一塊透明矽膠鞋墊，咁我不如直接用鞋墊搽粉？當然唔係啦，佢內部還添加了防止氧化劑及紫外線吸收劑。不過佢同膠鞋墊一樣，因為係矽膠物料，亦少不免有黐塵同變黃嘅機會。
評語三：柔軟度比一般粉撲高
呢款矽膠質料嘅粉撲，質地好似軟糖咁，柔軟度比一般粉撲高，即使係鼻翼位置都可以上到粉底液。睇下面段片就知佢有幾軟啦！
（影片來源：日本藥妝最新流行微博）
評語四：不會有「食粉」效果
普通嘅海綿粉撲通常都會滲晒啲粉底，如果粉底係貴價貨，都會覺得蝕蝕哋。而透明粉撲因為係矽膠所製，唔會「食粉」，咁就唔會浪費一滴粉底液，能夠完完全全將所有粉底搽上臉！另外，用海綿粉撲嘅麻煩之處就係要定期清洗，但透明粉撲喺用完後用紙巾一擦就得！相比起，海綿粉撲的確係比較肉赤同麻煩⋯⋯
台灣IPSA預計於8月推出，而香港官方仲未有任何公佈。由於係非賣品，所以即使係代購網都未必買到。與其喺香港無了期咁等，真係想盡快將佢得到手嘅，就可能要親自去日本或台灣走一趟或者拜托朋友買喇。
IPSA日本官網：http://www.ipsa.co.jp/
IPSA香港官網：http://www.ipsahk.com/
