飯局後「清瘡」攻略！＠新活時報Miss Sunny

(Presented by Sans Soucis)

每次同班姊妹飯局Gathering，都離唔開啲煎炸熱氣嘢食，就好似午餐有吉列豬扒、下午茶食炸雞髀、晚餐韓燒或啤酒加烤雞……世上太多引誘，再咁食落去，未變肥豬之前都已經成面暗瘡啦！前排Miss Sunny我訓得唔夠，又成日坐喺Office吹冷氣，加上三日唔埋兩日就同班姊妹飯聚、唱通宵K，搞到塊面水油失衡係咁爆瘡，化妝都遮唔到，連Selfie都俾粒瘡搞到冇晒Mood！

一晚K.O.暗瘡 得咗！

好彩，Miss Sunny發現救世主－Sans Soucis泉水甘菊去痘無瑕修復液。Sans Soucis係一個德國醫學美容品牌，憑住多年先進科技及科研經驗，研發出晚間專用去痘修復液。修復液入面有金盞花同洋甘菊天然植物萃取物，再加上有改善粗糙皮膚的氧化鋅等成分，可以做到強效消炎殺菌、極速吸附油脂、迅速消除兼預防暗瘡、酒米同暗粒嘅功效。我每晚清潔完面部，做好一般護膚程序後，就會搽薄薄一層喺暗瘡同暗粒位置，第二日起身就可以見到原本蠢蠢欲動嘅暗瘡已經明顯「謝晒皮」，真係超級神奇，見住啲暗瘡一晚被「K.O.」，心裡面真係又爽又感動。

人人必備看門口

其實，再完美無瑕嘅肌膚都會有生暗瘡嘅一日，就算你遮瑕技術曉飛都無用，消滅粒瘡先係王道。話咁快又到捱夜睇四年一度體壇盛事嘅時候，又有大大個藉口俾大家一邊食薯片、飲汽水，一邊睇各國小鮮肉。但係小心一夜失守，變成「肉面暗瘡怪」！ 唔想咁？快啲買支去痘修復液看門口啦！提提大家，Sans Soucis泉水甘菊去痘無瑕修復液喺萬寧、屈臣氏、莎莎、各大藥房同美容院都買到。今次寶寶有正嘢，梗係要推介俾大家啦～ 就等我哋一齊同痘痘講ByeBye啦！

Save

Save