韓國女星揭3招有效止汗方法 夏日唔再怕出汗尷尬
廣告
夏日夏日熱辣辣，好熱好熱～夏天出街好容易成身汗，對於「大熱症」嘅人嚟講，落一落街件衫就濕晒，非常尷尬！對於要喺戶外拍攝同表演嘅藝人嚟講，高溫天氣更可以係加重演出負擔。早前就有韓國女團成員揭露3招止汗方法，大家都可以試吓啵！
Way指明星都係人，都係會流汗嘅，而且有啲人仲會流到好似淋完雨咁，但係為咗喺螢幕面前呈現最好一面，喺鏡頭背後都會花好多努力！
Way介紹大家自己用過嘅三個方法
1：緊急處理妝髮
藝人會因大量流汗而溶妝，所以一有時間造型師就會用風筒，將扁塌嘅頭髮重新整理好，令藝人盡可能每一次上台都係以最佳狀態。
2：工作人員要係身邊時刻準備
工作人員會拎住毛巾喺後台準備，等藝人上台之前或落台都可以抹一下臉、頸、背等位置，如果發現有少少溶妝，仲可以馬上補妝，Way更指如果需要連續表演真係會流好多汗，但係佢哋都唔會太擔心，因為有工作人員係身邊。
但係作為普通市民嘅我哋，無工作人員喺身邊都唔梗要，帶條手巾仔出街，抹走身上嘅汗水就得啦！
3：腋下清潔
唔少藝人都有清理腋毛的習慣，而Way就建議大家應該越年輕做脫毛越好，因為只係剃毛的話，好容易會導致黑色素深沉，日子越耐就會越嚟越黑。Way又話有時藝人都會用止汗產品，但係唔太常見，因為止汗劑會令毛孔堵塞啊！
