買錯面膜敷錯Mask Miss Sunny揀面膜 3大完勝技

Mar 10 2017

Miss Sunny每日放工，最開心就係一邊煲韓劇一邊敷面膜，皮膚即時注滿水分，可以幫Sunny修護暗啞疲累嘅皮膚，每日最enjoy就係呢個moment！唔好以為面膜好多人都識揀，其實一啲都唔簡單，除咗睇成分、睇功效及價錢，仲有好多不為人知嘅3大秘技位，就等Sunny教大家揀面膜嘅貼士，咁就敷得精明，又可加倍護膚效果！

（Presented by 肌美精）

市面上咁多面膜，究竟你又識唔識揀？以為剩係睇功效、睇價錢？其實仲有3大不為人知嘅秘技，好多人都唔識，就等Miss Sunny話你知，咁就可以完勝揀到最啱用嘅面膜！

1. 美容液充足，仲要滲透度高

揀面膜第1樣最重要就係滲透度佳，要有高滲透度，面膜必要有充足嘅精華液，最基本應有20ml，先可以令保濕及營養成分充分滲透至皮膚底層，令保濕效果更持續，敷完面膜可以keep到2至3日。而一些面膜加入了天然去角質軟化成分，如檸檬酸，可幫助去除老化死皮，亦可大大提升皮膚吸收度，不止表面保濕，仲內層鎖水，令保濕效果可以keep到幾日，更水漾及充滿彈性。

2. 立體剪裁夠貼面

Miss Sunny敷面膜最怕就係唔夠貼面，眼、鼻及嘴全部唔啱位，左拉右扯都做唔到零氣泡嘅貼服效果。所以揀面膜一定要留意佢嘅剪裁，Sunny必會揀3D立體剪裁，點先係3D？留意佢中間有冇1條摺骨，有呢條骨先可以立體地覆蓋面部每寸皮膚，做到零死角效果，唔會走位。而揀面膜亦應揀眼位有洞的，因眼部皮膚較脆弱，面膜未必適合敷在眼周，宜選用眼膜效果更佳。另外，Sunny亦會留意面膜嘅長度，最少要有25cm，先可包到下巴、鼻翼、腮骨位及嘴角，皮膚可均勻吸收精華成分。而質料以纖維面膜布為首選，咁就貼面又舒服，完美造到零死角效果！

3. 成分安全無添加

大家買面膜有時真係情願佢冇乜功效，都千祈唔好敷到爛面或敏感，所以面膜安全性係好緊要。Sunny教大家揀時，除睇清楚有冇香料、防腐劑、螢光劑外，仲要留意一啲有聲稱天然花香、果香或色素印刷面膜，其實同樣有大量香料同色素，買時應盡量避免。另外面膜有唔同產地，想用得安全，Sunny推介大家必揀日本藥妝嘅出品——肌美精，佢哋元祖級嘅面膜製造商，有多年製面膜經驗，質量及安全性有一定保證，咁以後就唔會揀錯面膜敷到爛面啦！