〔補妝神器〕韓國棉花棒唇彩！@Ling Cheng
韓國嘅youtuber用咗個好搞笑嘅情況比喻，佢話韓國啲女仔好多時見到朋友嘅唇色靚，佢哋就會要對方借嚟搽下試下隻色，你會話，下？唇膏都可以借比人搽？ 如果大家有去過韓國olive young買嘢，你就會知道韓國人係會將sample嘅bb cushion 搽上面的，就算千人一齊搽過都無所謂，所以問friend借嚟搽唇膏真係唔出奇。但如果咁啱遇上有潔癖嘅你，就真係麻煩了。
所以呢！如果個情況係用棉花棒唇彩，你就可以好有霸氣咁借比人又唔駛自己「搽人口水尾」啦。
不過對於香港人嚟講，最重要係點樣可以好方便快速咁係出面補妝，而呢個棉花棒唇彩真係大派用場啦。
其實平時搽唇膏，我都會用棉花棒去修改或者你見有啲化妝師直情係用棉花棒上嘅，所以真係好佩服韓國人發明咗呢支真正嘅「棉花棒唇彩」，講下佢嘅用法先：
其實就只係將有紅色圈個邊擰開佢，最緊要係紅色圈係上面，唔好調轉，咁啲唇彩就會瞬間浸入支棉花棒（要睇有幾瞬間就按入去條片到睇啦）
比起用唇膏，其實用更細嘅棉花棒感覺更加就手易搽，而且唔會一下搽落去就好誇張咁紅哂，一下一下咁上更加自然。用完一次我嘅感覺係唔可以搽一邊太耐，要一開始就上下唇都搽啲，如果唔係到後期乾咗先再搽上唇會無咁上色架。
o將o將完成！
講咗咁耐都未講係咩牌子：
呢隻就係Mystic Cotton Swab，分別有紅色、粉紅同大紅色，甚至出埋棉花棒eye&lip remover.
聽香港賣韓國化妝品鋪頭嘅人講，因為呢隻比較多韓國blogger介紹所以就入呢隻。
$45
HK beauty land
Ig/fb： hkbeautyland
分店地址：旺角中心1期地下G-25 B2號鋪（顯示地圖）
葵芳葵涌商場l樓B72A號鋪（顯示地圖）
沙田中心L3 31K號鋪（顯示地圖）
元朗教育路1號千色廣場地下21號（顯示地圖）
電話：21522279
去之前最好打電話去問下個間分店有無賣。
至於係韓國嚟講，其實都有其他幾隻brand賣緊，價錢介乎於W3000-4000( HKD~21-30)
有韓國人將呢個物盡其用，用呢隻棉花棒唇彩搽係隻眼添，大家可以學下野：
