Kiehl’s X Jeremyville節日限量版套裝好買推介@Miss Sunny

Dec 5 2016

每年聖誕 Miss Sunny都為揀禮物俾身邊最愛嘅人而煩惱，又唔想買啲無心思嘅禮物，不如為佢預備貼心嘅護膚套裝。Miss Sunny最愛用嘅Kiehl’s，今個節日同藝術家Jeremyville合作出咗好多款限定套裝及自選套裝，包裝上面嘅快樂雪人、閃亮星星、雪景等節日元素已好有節日氣氛，相信你最愛嘅人，收到呢份禮物一定好開心！

（Presented by Kiehl’s）

給她的護膚之選

Youth-Powered Special 延展青春護膚套裝 $940

呢套護膚套裝絕對係必買之選，佢集合Kiehl’s多款皇牌好用之選，由潔面、昇華液、面部及眼部精華都有齊！特效保濕潔面啫喱好啱而家冬天用，仲有Miss Sunny最愛嘅紫鳶花活肌昇華液，啫喱水狀肌底液含鳶尾花根精華，妝前搽可即時補濕，仲可以加倍放大之後搽嘅保濕、緊緻或抗衰老功效嘅護膚品，令護膚效能加倍昇華！用埋維C精華及眼部精華，呢個套裝真係好抵買！

給他最貼心之選

Ultimate Man Special 全效男士護理套裝 $605

而家香港男士對護膚品嘅要求都好高，韓風下個個就算無韓仔嘅健碩身形，都想有宋仲基一樣嘅靚仔皮膚。Kiehl’s 呢套男士護理套裝一定可以滿足到佢哋嘅要求。套裝非常貼心，由潔面、爽膚、保濕、磨砂、抗皺及護眼都照顧周到，Facial Fuel 系列專為男士皮膚度身訂造，配方集合咗多種高效活性成分，如竹樹精華、咖啡因、維他命C及E，有效趕走倦容，令皮膚迅速充滿活力，回復健康神采。另有兩支Age Defender系列可重點修護埋細紋問題，呢個配搭真係好細心。

冬日面膜之選

Masque Duo Special 自選面膜套裝 $530

Miss Sunny冬天最愛就係敷面膜，面膜都係最佳嘅送禮選擇。呢個套裝包括咗Miss Sunny好鍾意嘅草本香橙抗污染強化面膜及薑黃紅莓速效亮肌面膜，能即時為皮膚充電，並補充天然養分，令皮膚唔再乾燥。加埋Ultra Facial系列嘅潔面啫喱及保濕乳霜，好啱冬天乾燥季節用，加倍修護易敏感嘅脆弱肌膚。