騙徒手法層出不窮 教你點分真假 娥羅納英 H軟膏@Miss Sunny

（Presented by 娥羅納英H軟膏）

難分真與假？藥房多險詐？

原來唔止名牌手袋有A貨，家陣啲騙徒手法層出不窮，連 娥羅納英 H軟膏都有高仿貨，由於佢哋唔會造到完全一模一樣，所以想告佢哋都唔可以！嗚嗚！家陣仲要高仿貨唔剩止1款，係有十幾廿款，係十幾廿款，實在係嚇親寶寶！我Miss Sunny咁醒目，就梗係唔會被人呃啦，但身邊真係有唔少人被人呃過買咗高仿貨，仲要唔係老人家添呀！好，就即刻教你點分真假！

方法1：睇包裝

嘩，當Miss Sunny我一見到嗰14款高仿貨，就真係不得不佩服啲「有腦」商人，呃人嘅手法真係可以用「各適其適」嚟形容，唔用開就一定被佢呃到！真、高仿貨嘅外盒包裝同內裏瓶身都有好大分別，一齊睇下點分！

方法2：睇質地

娥羅納英H軟膏由細用到大，一打開就聞到陣陣親切嘅味道，一向有如「神犬拉西」嘅我Miss Sunny，就梗係分到啦，但唔係個個都有「靈臭」，好彩喺質地上都好有分別！真正嘅娥羅納英H軟膏 質地挺實，有陣陣清香，推開就即刻變得柔軟易滲透，潤澤感仲好持久；而高仿貨就十居其九有怪味，有啲質地令身而較稀，有啲就硬到似石頭，推極都推唔開！

Miss Sunny冒死親試小總結：

今次我Miss Sunny為咗分真假，唔單止碌大雙眼仔細四面睇，仲豁出去幫大家親試上身（真係唔敢將高仿貨試上面喎，sorry）！高仿貨喺個名、包裝、logo上都扮到似層層，仲專登加個日文名或者日文說明書以為更像真，其實真貨1隻日文字都冇呀！

仲有，Miss Sunny我一搽上手就發覺唔對路，14隻我都搽過，部分一啲都唔潤又推唔開都算，有幾隻仲乸乸哋，家陣講起又有啲癢添！皮膚敏感人士切勿「以身試法」，唔係唔單止止唔到痕癢，仲可能會越用越癢，更加唔知有冇有害重金屬呀！

提提大家，有啲「有腦」商人會將價錢貼紙貼喺高仿貨個鐳射商標位，又或者將正貨收埋，A貨就show晒喺櫃枱引你買，買時真係要牛咁眼望清楚！同埋「有腦」商人可能會話你知日本版好啲，其實就香港版同日本版用料都一樣，點解佢要介紹你用日本版？咪就係因為令你更易買錯啲A貨俾錢囉！

你會話，咁點解買錯A貨又告佢唔入？皆因佢哋突登唔抄到百分百一樣，原來賣高仿貨係未必告得佢入呀！根據商品說明條例，當你向舖頭要求買娥羅納英H軟膏而佢俾咗第二樣貨你，咁先算係犯法，你自取然後去俾錢，係告唔入佢哋，所以話，攞貨前，記住睇清楚！

話你知： 娥羅納英 H軟膏 有8大功效

娥羅納英H軟膏歷史悠久，已經64歲喇，啡蓋白樽好易認，Miss Sunny我細細個就識佢，媽媽話佢全日本製造同生產，可以殺菌、滋潤，仲唔含類固醇添！
究竟佢有乜用途？用途就多囉，佢嘅滋潤度極高，基本上所有肌膚小煩惱都幫到手，例如可以治療粉刺、痘痘、疹子、輕度刀傷、輕度火傷、皮膚爆坼、凍瘡、乾性香港腳等等，用途多不勝數兼廣泛，最重要係性質極之溫和又不含類固醇、薄荷及樟腦等刺激成分，一家大細都合用！任何人士都適用。