黃浩然與太太恩愛慶祝結婚17年！曾染怪病被瘋傳「此處」潰爛
黃浩然與太太恩愛慶祝結婚17年
近日47歲的黃浩然與太太莫家嘉慶祝結婚周年紀念，太太莫家嘉在社交平台上傳多張甜蜜合照，兩人不但在照片中做出17的手勢，黃浩然更為太太獻上鮮花，幸福滿滿。此外，莫家嘉亦上傳了一家四口的溫馨合照，從合照中可見兩位兒子非常精靈，特別細仔盡得黃浩然真傳，細細個已經非常靚仔！
曾染怪病 一度被瘋傳下體潰爛
黃浩然與太太莫家嘉曾經經歷過不少難關，黃浩然在數年前曾經患上罕有的免疫系統疾病「貝賽特氏症」，起初只以為是扁桃腺發炎的黃浩然，身上漸漸有多處潰瘍，足足10日不能進食。「貝賽特氏症」的患者最嚴重的情況更有可能會導致下體潰爛，幸好黃浩然在住院半個月之後，親自回應表示大家不需要擔心他的生殖器，其他器官亦開始恢復正常。
兩人曾經歷婚姻危機
除了生死關頭之外，黃浩然與太太莫家嘉亦曾經經歷過婚姻危機。曾經有人向傳媒發出足足19頁的告密信，信中除了指控莫家嘉傷害別人家庭之外，更附上莫家嘉和一名男子的親密照和曖昧短訊截圖。黃浩然當時挺身而出護妻，表示只是笑料一則：「其實係笑料但傷害都好大，咁我自己係呢一行當然唔怕，但譬如大仔，我嘅劇集出街時我個仔都會問我尋日做咗乜，因為佢同學都會睇，會話返畀佢知，變咗我擔心呢類新聞小朋友會睇到，佢哋心智未成熟消化唔到，家變實驚㗎，當然太太都會唔開心，自己責任要保護家庭，保護太太，保護小朋友，啱啱都有人提我12月1號結婚週年，突然諗返起我哋都13年，經歷好多事，呢個係小問題，已經過去咗。」
黃浩然 同老婆話題多多
黃浩然同老婆多年來出名恩愛，而家嘉除咗持家有道、教得兩個仔精叻乖巧入埋名校、煮得一手好菜可以開live教人之外，仲係圈中知名Stylist，咁多年都keep住咁潮，仲一手包辦老公造型。之前本刊影到黃浩然同老婆拍住拖行銅鑼灣，就見兩人雞啄唔斷由街頭傾到街尾，感情仲好過拍拖嗰陣！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
