香港小姐2021|宋宛穎豪宅客廳超大勁吸睛 婆婆只評價表現「過骨」
香港小姐2021|冠軍宋宛穎 家有超大客廳
出爐港姐冠軍宋宛穎(Sabina Mendos)日前在得獎後接受傳媒家訪,令網友留意到她家中有一個超大客廳,紛紛表示好奇!據知Sabina家住火炭半山一處低密度豪宅,從訪問影片中可以看到Sabina家中布置以白色為主調,顯得客飯廳更加闊落,客廳放置了一張L形的梳化,足足可以坐到九個人。
![Sabina客廳放置了一張L形的梳化,後面牆上還掛著一副字畫,為她家中增添不少書卷味。(圖片來源:TVB)](https://imgs.orientalsunday.hk/wp-content/uploads/2021/09/04_1284046819613f2b5654e65.jpg)
餐枱有轉盤
在另一邊的飯廳除了兩邊大型置物櫃外,中間還有一張大型餐枱,上面放了一個轉盤,目測該餐枱可以圍坐12人,訪問時Sabina家中兩廳聚集了多名親友和無綫工作人員後,仍不顯擠迫,可見確實有充足空間。
![Sabina家中兩廳聚集了多名親友和無綫工作人員後,仍不顯擠迫。(圖片來源:TVB)](https://imgs.orientalsunday.hk/wp-content/uploads/2021/09/08_936838167613f2b5cd01f9.jpg)
出身單親家庭
Sabina是中葡混血兒,擁有四分一葡萄牙血統,在加拿大多倫多大學畢業,雙修生物化學及人類生物。出身自單親家庭的她,坦言爸爸係亞洲和葡萄牙混血兒 ,在她小時候父母已分開,兩父女由她十幾歲開始已好少聯絡。她透露自己還有個孖生細妹,因此媽媽要一手湊大兩個女,係雙倍辛苦。
![Sabina透露自己還有個孖生細妹,因此媽媽要一手湊大兩個女,雙倍辛苦。(圖片來源:Sabina IG)](https://imgs.orientalsunday.hk/wp-content/uploads/2021/09/01_537073046613f2b50beea2.jpg)
宋媽媽身在澳門
宋媽媽是1990年澳門小姐亞軍文寶雪,冠軍則由其表姨媽奪得 。1991年宋媽媽曾參選華姐,與袁詠儀同屆。雖然宋媽媽因為人在澳門,未能親自現身支持女兒參賽,但亦有睇電視直播,婆婆說:「佢媽咪好緊張,喺澳門40幾人一齊慶祝,個個嗌到不得了!」
![宋媽媽文寶雪曾在1991年參選華姐,與袁詠儀同屆。(圖片來源:TVB)](https://imgs.orientalsunday.hk/wp-content/uploads/2021/09/11_661539336613f2b6182290.jpg)
婆婆評Sabina表現「過骨」
有不少網民留言讚宋宛穎婆婆端莊嫻淑,不過婆婆對Sabina在決賽當晚的表現未算滿意,只評價她表現「過骨」,特別係問答方面都係差少少,有待進步,Sabina亦指自己的表現只得90分。而講到Sabina出身自選美世家,婆婆笑言:「可以咁講,佢媽咪堂家姐﹑堂妹都係,本身我個堂家姐,講緊幾十年前,都係加拿大小姐及三藩市小姐。」
![婆婆評價Sabina決賽當晚的表現只係「過骨」。(圖片來源:TVB)](https://imgs.orientalsunday.hk/wp-content/uploads/2021/09/07_922465471613f2b5b6091e.jpg)
媽媽幕後操控三餐
Sabina參加港姐得到媽媽大力支持,她得奬後表示最想多謝媽媽。Sabina又指媽媽是其選美幕後軍師:「我每一餐都有同佢匯報,比如我好想食一樣嘢,會影埋相畀佢睇,問佢食唔食得先!今次攞冠軍媽咪都話好為我高興同驕傲,佢平時比較中肯,如果真係好佢會讚,如果唔好都會指出我嘅缺點。」
![Sabina在參選港姐期間,努力減去了7公斤,以Fit爆身形成功奪冠。(圖片來源:TVB)](https://imgs.orientalsunday.hk/wp-content/uploads/2021/09/06_784354929613f2b59db067.jpg)
曾在家燕媽媽學校接受培訓
現年22歲的宋宛穎(Sabina),6歲開始接觸各種舞蹈,精通芭蕾舞、中國舞、爵士舞、Hip-Hop、拉丁舞、宴會舞及古典舞。此外,Sabina還於11年前參與《TVB兒童節之天才大匯演》,活動期間與《聲夢傳奇》學員之一的潘靜文合照,原來二人十分熟稔,結果多年後分別參加TVB大騷。
![自小習舞(圖片來源:TVB)](https://imgs.orientalsunday.hk/wp-content/uploads/2021/09/06-2_7876019786138903482983-689x1024.jpg)
Sabina透露雖然自己較慢熱,但卻愛在鏡頭前載歌載舞、表演欲強,曾因而到薛家燕藝術培訓中心學跳舞,目的就是為了能上電視表演,因此她和前Honey Bees成員莊錠欣(Elkie)也是好友,Sabina笑言:「因為嗰時話喺嗰度學係可以上《歡樂滿東華》同埋兒童節目㗎嘛,我好記得我係上過2010年嘅《歡樂滿東華》,同家燕姐同台跳過《Nobody》!」
![當年曾參加《TVB兒童節之天才大匯演》。(圖片來源:TVB)](https://imgs.orientalsunday.hk/wp-content/uploads/2021/09/02-3_96273097961389039512c7.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!