香港人在北京︱爆笑對白勁貼地 陳展鵬被笑睇亞視、吳若希玩自抽
盤點《香港人在北京》7大抵死自抽對白
1.洪永城《張保仔》再被擺上台
早前劇情講到陳展鵬獲分派帶北京分公司出任CEO後,獲派任務要將廢棄變壓廠打造成新的工作項目,陳展鵬三兄妹和吳若希集思廣益後,決定將廢墟改造成「文創園」。四人為了替充滿香港情懷的文創園改名期間鬧出不少笑料。首先就有洪永城建議將文創園名字改為「香港仔」,被戴祖儀秒串:
哇,仲老套過叫張保仔啊!
呢句對白用在洪永城身上,令不少觀眾都聯想起由洪永城主演的《張保仔》,演技麻麻的洪永城當年更被稱為「開台以來演技最差嘅台慶劇男主角」。
![香港人在北京 吳若希 香港人在北京 洪永城提出叫「文創園」做「香港仔」,結果畀戴祖儀話「仲老套過張保仔」。](https://imgs.orientalsunday.hk/wp-content/uploads/2023/10/photo_6156561570293987206_y_89347752265309f825ec5d.jpeg)
2. 笑亞視乜都用「獅子山精神」
洪永城講完就到陳展鵬發表偉倫,陳展鵬一輪口發表偉論:
我諗到啦,我哋每一個香港人都有一座山,係獅子山!正所謂老套到盡頭便是型,獅子山精神最能代表我哋香港!雄壯、勇猛、屹立不倒!
3. 再笑陳展鵬亞視出身
當陳展鵬興高采烈發表「獅子山偉倫」時,戴祖儀即刻加句:「嗰陣感覺又返嚟啦」,吳若希亦即刻抵死咁話:
你哋原諒佢啦,佢以前看亞視的。
4. 連環攻擊洪永城 暗寸以前以為自己好紅
第五集就有洪永城帶中學同學傅嘉莉到北京一間茶餐廳食飯兼拍Vlog,雖然二人都食得好滋味,但洪永城就話「影片一定要批評先多人睇」,所以就不斷狂踩該茶餐廳質素差,茶餐廳亦在視頻上傳後宣佈倒閉。洪永城一心以為自己的視頻影響了茶餐廳生意,但飾演老闆的Eddie就一句串返轉頭:
我哋呢到係畀業主瘋狂加租逼遷走嘅,唔關你事,你真係以為自己好紅啊?戇居!
當年洪永成拍旅遊節目創出名堂,再躋身TVB一線小生之位,一度被外界批評「又串又自以為是」,今次真係串到應一應!之後有多個場面笑洪永城,有一幕仲暗示佢同唐詩詠拍拖一事添。
![香港人在北京 吳若希 香港人在北京 洪永城被Eddie串「你真係以為自己好紅啊?」](https://imgs.orientalsunday.hk/wp-content/uploads/2023/10/photo_6156561570293987203_y_188899935365309f84e3461.jpeg)
5.吳若希重提「咖喱事件」
劇情講述到吳若希以為劇中老公陳展鵬同舊情人蔡潔出軌,有一次更看見陳展鵬頸上的「咖喱雞」,所以逼問三妹戴祖儀有關「咖喱雞」一事。不過戴祖儀就裝傻扮懵,扮唔知可謂「咖喱雞」,搞到吳若希越問越燥:
香港人點會唔知道咩係咖喱雞啊?我見到佢有咖喱雞啊!
不少網民都指見到呢句對白嚇親,事關吳若希曾經被指在入行前曾在尖沙嘴夜總會當公關小姐,當時更指以「咖哩」為其代號。今次竟然咁大方重提「咖喱雞」,簡直自抽抽出新底線。
![香港人在北京 吳若希 香港人在北京 連「咖喱」都有提!](https://imgs.orientalsunday.hk/wp-content/uploads/2023/10/photo_6156561570293987205_x_195885034365309f83d3a56.jpeg)
6. 連吳若希曾被指「小三」都拎出嚟講
吳若希在劇中為了找出陳展鵬的「小三」而搞出不少笑料,當戴祖儀為陳展鵬解釋頸上「咖喱雞」有可能係被「蜘蛛」咬到,吳若希就問:
蜘蛛?定蜘蛛精啊?
其實吳若希由婚前開始,一直被指為現任老公Alex Ho和女模Toby Sin的第三者,雖然Alex都已經出過聲明否認,但吳若希就甚少提及此話題!
![香港人在北京 吳若希 香港人在北京 每次俾人話係小三嘅吳若希,今次在劇中演大婆捉小三!](https://imgs.orientalsunday.hk/wp-content/uploads/2023/10/photo_6156561570293987207_y_101431482865309f7ea11ef.jpeg)
7. 串內地節目選秀節目觀眾表情誇張
戴祖儀入圍內地選秀節目《我要當歌手》,身為大哥的陳展鵬召集了身邊一班好友同事齊來為戴祖儀做勢,齊齊混入節目做觀眾。陳展鵬更指他觀測到內地選秀節目都有一個共通點:
觀眾現場嘅反應好影響勝負,只要觀眾喊得越勁,嗰參賽者就越有機會攞冠軍!
同場加映:陳自瑤新劇植入預告
陳展鵬同吳若希呢對搞笑夫妻非常合拍,早前劇情講到吳若希追一部電視劇《婚後事》,描述的劇情包括老公背妻偷食,妻女唔睬老公等等。其實《婚後事》就是陳自瑤、羅子溢及黎諾懿主演的新劇,去年11月開鏡,雖然未安排播出,但吳若希已率先預告新劇內容,算是一個幾有趣的「彩蛋」!
![香港人在北京 吳若希 吳若希已率先預告新劇內容,算是一個幾有趣的「彩蛋」!](https://imgs.orientalsunday.hk/wp-content/uploads/2023/10/photo_6161066209303443372_y_8082982436530eef893a64.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!