香港人在北京|傅嘉莉神還原「火雞姐」笑中有淚 獲力捧成為女配角大熱
![香港人在北京 傅嘉莉 近日她在無綫播出的劇集《香港人在北京》中,傅嘉莉神還原《食神》莫文蔚的火雞姐的一幕勁似莫文蔚,演技更獲觀眾認同,力推她成為女配角大熱!](https://imgs.weekendhk.com/wp-content/uploads/2023/10/356605368_1246694116211091_2463904570248292130_n_10194680926538ce8cab221-819x1024.jpg)
傅嘉莉扮「火雞姐」開心高度還原
傅嘉莉受訪時笑稱,入行前做模特兒嗰陣,已有好多人話佢似莫文蔚,當日好多人搵佢影相,傅嘉莉爆棚假牙有啲鬆怕講嘢唔小心飛出嚟!Kelly笑言:
「冇諗過拍劇可以扮佢(莫文蔚)其中一個經典角色,拍攝時我覺得好似樣,戴埋假牙之後直頭係火雞姐,見到還原度咁高,我自己都好開心!」
網友力撐女配角大熱
「火雞姐」在內地及香港引起很大迴響,網友大讚劇情既搞笑又感動,紛紛表示:「堅有喜感、內心戲到位,今年女配大熱」、「傅嘉莉嗰場戲真係好感動!」、「傅嘉莉演得好好,值得讚賞,繼續努力呀」、「做兄弟嘅,唔駛講嘢」呢吓似到呢,希望Kelly今年可以攞返個獎」
![香港人在北京 傅嘉莉 「火雞姐」在內地及香港引起很大迴響,網友大讚劇情既搞笑又感動,希望Kelly今年可以攞返個獎。](https://imgs.weekendhk.com/wp-content/uploads/2023/10/photo_6179217131938364493_y_8156013656538cd2db38ae-1024x903.jpg)
收起性感演癡心女
傅嘉莉今次在《香港人在北京》是一位暗戀洪永城的癡心女子,平時不修邊幅,男仔頭外形,刻意收起性感,和過往演出好唔同。
![香港人在北京 傅嘉莉 傅嘉莉今次在《香港人在北京》是一位暗戀洪永城的癡心女子,平時不修邊幅,男仔頭外形,刻意收起性感,和過往演出好唔同。](https://imgs.weekendhk.com/wp-content/uploads/2023/10/387268806_638529865067498_405033243045198467_n_7424529556538cf5388607-819x1024.jpg)
![香港人在北京 傅嘉莉 廉政狙擊 傅嘉莉 廉政狙擊 Kelly在社交媒體上表示:「我的《三日兩夜》之旅終於成行!」](https://imgs.orientalsunday.hk/wp-content/uploads/2018/06/nhv4dxh3MJN7gxp/84692257_145708203209994_1041962181013920973_n_9194786335e50de586a627-819x1024.jpg)
![香港人在北京 傅嘉莉 廉政狙擊 傅嘉莉 姊妹淘](https://imgs.orientalsunday.hk/wp-content/uploads/2021/05/495479aa-1b12-4481-b41b-0957748f876a_1110705316609b4b8da7642-835x1024.jpeg)
機會不斷劇接劇
傅嘉莉一直以來機會不斷,今年劇接劇先同鄭則仕合作拍攝《神耆小子》,近日(25日)又現身深圳出席無綫新劇《法證先鋒6倖存者的救贖》開鏡拜神儀式。
![香港人在北京 傅嘉莉 傅嘉莉一直以來機會不斷,今年劇接劇先同鄭則仕合作拍攝《神耆小子》](https://imgs.weekendhk.com/wp-content/uploads/2023/10/369009095_659205156273915_8639901634214764714_n_734756676538d381d2e6f-819x1024.jpg)
![香港人在北京 傅嘉莉 傅嘉莉近日25日)又現身深圳出席無綫新劇《法證先鋒6倖存者的救贖》開鏡拜神儀式。](https://imgs.weekendhk.com/wp-content/uploads/2023/10/394819083_1343005093242253_4916387070170430118_n_13215548436538d0a49f2de-576x1024.jpg)
道具假牙講對白險飛脫
提到該場戲要戴著假哨牙講對白,Kelly坦言一點都不簡單:「個假牙只係Halloween嘅道具,好闊同好大,所以好難戴,後尾諗到擺啲Blu Tack入去黐住原本啲牙,同埋盡量飲少啲水減少口水,怕一講對白會甩出嚟搞到NG。」
![香港人在北京 傅嘉莉 傅嘉莉 火雞姐 正式拍攝前,原來監製都有仔細和演員排練 。](https://imgs.sundaykiss.com/wp-content/uploads/2023/10/kellytony-1_21293370126533e0643c5fe.jpg)
傅嘉莉撰文感激幕後團隊及觀眾: 琴晚睇咗嘅都係我嘅兄弟!
講到今次搣甩女神光環化身男仔頭,Kelly笑言:「好開心監製畀咗呢個角色我,Funny係打破咗我以往角色嘅框框,我完全唔介意演男仔頭,愈唔似我我就愈開心!身為演員就要貢獻身體畀個角色,所以變成點樣都冇所謂。」
![香港人在北京 傅嘉莉 傅嘉莉 火雞姐 Kelly戴假哨牙兼在臉上畫刀疤神還原火雞姐經典造型,與「本尊」莫文蔚相似度直達99%!](https://imgs.sundaykiss.com/wp-content/uploads/2023/10/snapinsta.app_393796751_18388450360035692_2255141543842675196_n_1080_307217066533e0655447b.jpg)
其後她又於IG撰文感謝觀眾: 「打從心底感謝我們的總監制鍾澍佳,佳導有一些感謝好難用言語去表達但我有嘗試寫出來….感謝你無真正認識我的情況下,卻相信我,選擇了我,給我Fanny 咁好嘅角色。每一日你就算幾唔夠瞓,總監制兼顧嘅嘢咁多,我都冇聽到你一句嗌辛苦,每一場戲你都陪我哋排戲,令到我哋更加容易捉到每一場戲嘅重點和感覺,這一切都不是必然的,你係身體力行去用對拍攝嘅執着感動我哋每一個人!我看在眼裏,感受在心裏,好開心,能夠遇上你,這個好監制。」
最後Kelly又多謝對手洪永城:
同你一齊演過好多好多場戲,真的看著彼此的成長,多謝你每一次也是給我百分百投入和信任,促成每一場好戲
第14集 傅嘉莉大改造 險與洪永城發生關係
在今個星期的《香港人在北京》淼淼不滿港文(洪永城)奚落芬妮(傅嘉莉),決意替芬妮大改造。芬妮在夜店艷光四射,喝醉的港文不認得芬妮,主動搭訕,更差點發生關係。港文弄清誤會後,狠心向芬妮表明永遠是好兄弟,芬妮無奈提出二人當眾結拜……
![香港人在北京 傅嘉莉 傅嘉莉 火雞姐 香港人在北京劇情 結局](https://imgs.sundaykiss.com/wp-content/uploads/2023/10/aaa05619_53050213065328eba1d65c.jpg)
傅嘉莉今年大豐收 劇集角色次次有話題
今年傅嘉莉在《一舞傾城》及 《廉政狙擊》的演出都特別有話題,她在《廉政狙擊》飾演美艷女子「尹在詩」,周旋於兩大商業巨鱷卓廷光(黃智賢飾)及傅天耀(郭政鴻飾)之間,又是卓廷光兒子卓日升(高鈞賢飾)的秘密情人,戲份勁多可惜中途就被推落山,角色在內地播出時已引起很大迴響,其中一幕被卓廷光逼迫「解扣」的戲份,演技更備受網民讚賞!
![香港人在北京 傅嘉莉 傅嘉莉 火雞姐 廉政狙擊 傅嘉莉 廉政狙擊 這場解衫鈕戲,傅嘉莉的演出充滿委屈感。](https://imgs.orientalsunday.hk/wp-content/uploads/2023/03/a25_11606755756401ba4199f07-928x1024.jpg)
傅嘉莉靠黃智賢「逼」出真眼淚
談到相關場口,Kelly坦言感激Ben幫忙才能如此入戲,並透露原來落淚也是臨場反應:「Ben好畀到嗰種壓力我,其實我冇諗過我會喊,每次演同排戲時我都冇喊。今次尹在詩受歡迎,除了自己做功課,更大嘅功勞係歸咎於整個團隊,包括好嘅對手,臨場同團隊嘅溝通,以及衣著打扮幫助我投入同理解個角色。」
![香港人在北京 傅嘉莉 傅嘉莉 火雞姐 廉政狙擊 傅嘉莉 廉政狙擊 呢幕「鈕扣對峙」戲充滿張力。](https://imgs.orientalsunday.hk/wp-content/uploads/2023/03/a29_12415110756401bebd7b8db-1024x576.jpg)
《一舞傾城》蔡淇俊向Paula傅嘉莉攤牌「浪漫式報復」
今年初的《一舞傾城》劇集入面, 傅嘉莉飾舞小姐Paula亦有精彩演出: Paula答應了蔡淇俊(飾程宏開)的求婚後,兩人度過一晚春宵,當完事後,蔡淇俊就遞上舊相簿,訴說自己減肥、發奮經歷,向傅嘉莉攤牌,坦白一切其實只係「浪漫式報復」。原因是蔡淇俊透露自己就係當年被她拋棄嘅初戀男朋友,當初慘被嫌棄,於是蔡淇俊發憤變靚變有錢、變大隻等,再遇上當年愛人傅嘉莉。
![香港人在北京 傅嘉莉 傅嘉莉 火雞姐 一舞傾城 蔡淇俊 傅嘉莉 plt 一舞傾城 劇情 傅嘉莉問起胎記一事](https://imgs.weekendhk.com/wp-content/uploads/2023/06/videoscreenshot-youtube-15tvb-127_774912096647a130c37bc0-1024x576.jpg)
傅嘉莉不介意被玩弄、蔡淇俊嬲嬲豬
當傅嘉莉問她點解要咁做,蔡淇俊還表示要狠狠讓別人知道你被人嫌棄,嘗試被糟蹋的滋味,蔡淇俊還狠狠地罵對方是雞。不過,傅嘉莉知實情自己被玩後,竟然表示不介意,坦言自己是雞,還笑蔡淇俊花咁多精力向她報復很傻,換過衫後瀟洒離場,相反,蔡淇俊不忿地在床上大叫,認真可憐!
![香港人在北京 傅嘉莉 傅嘉莉 火雞姐 一舞傾城 蔡淇俊 傅嘉莉 plt 傅嘉莉不介意被玩弄](https://imgs.sundaykiss.com/wp-content/uploads/2023/06/5-24-screenshot_1998205826647a23487cd4a-1024x647.jpg)
網民大讚傅嘉莉演出到位
不少網民大讚傅嘉莉演出到位,而且結局都幾峰迴路轉,有網民留言指:
很認同角色Paula 說的對白:尊嚴和感情是不能傷害她,唔入肉,仲串男角色話:你有幾了解我姐….哈哈男角色以為玩人點知係玩自己
好型Paula,呢幕佢2個做得幾好!
配樂尋開心!配得好好!
傅嘉莉接受訪問時,透露首次拍床上戲,大讚對手蔡淇俊及關楚耀專業:
視覺上我係冇着衫,拍攝時用較多鏡頭幫助同遮掩,因為電視尺度嘅問題,我睇劇情上我嘅角色都係冇着衫,第一次同佢(蔡淇俊)合作,當時拍呢場戲第一日識,第一日就要拍床戲,有啲尷尬同埋尺度都幾大。
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!