50歲陳慧琳Fit爆高質跳唱網民激讚 爆囝囝少男心事:啲女仔Hot!
馬場活動高質跳唱獲網民大讚
今年已經50歲的陳慧琳,周日於疫情後首次公開演出。狀態大勇的她大騷纖細蠻腰fit爆身材,勁歌熱舞大唱《大日子》、《花花宇宙》兩首經典歌曲。其表演影片更已經錄得過百萬View數,非常厲害。網民都留言大讚陳慧琳一舉手一投足都非常有星味,甚至有網民讚佢童顏到似新出道歌手。
![陳慧琳 ansonlo 陳慧琳 今年已經50歲的陳慧琳依然狀態大勇!](https://imgs.orientalsunday.hk/wp-content/uploads/2023/05/photo_6228654679416486062_y_11654702556450acd1dff5a-1024x682.jpeg)
預告下年入紙紅館 Keep住有新歌出
陳慧琳早前連出《風眼》、《我的親人》兩首新歌,前日被問到會否再出新歌時,陳慧琳表示準備在5月底推出全新風格的新歌:「嚟緊5月尾會有首新嘅快歌,叫做《談情的價值》,已經拍晒MV,成個感覺會同《花花宇宙》嗰啲係唔同嘅,應該會有少少耳目一新嘅。」陳慧琳亦表示最快將會在明年入紙申請開紅館演唱會:「我想啲新歌多啲,等演唱會啲內容唔洗唱嚟唱去嗰幾隻,我自己都覺得悶啊。」
![陳慧琳 ansonlo 陳慧琳 陳慧琳表示準備在5月底出全新風格的新歌,並且最快會於明年入紙紅館。](https://imgs.orientalsunday.hk/wp-content/uploads/2023/05/photo_6228654679416486253_y_7177703326450ad15e7308-682x1024.jpeg)
大爆囝囝已經有少男心事:會讚某啲女仔Hot
陳慧琳在訪問中提及到囝囝已經有少男心事,甚至會大讚某啲女仔「好Hot」:「佢地仲係搵把口講出嚟,話呢個女仔好Hot、好靚。(有冇發現佢有啲咩心事啊?)冇啊,都係周圍見到呢個女仔靚喎、好Hot喎,跟住嗰細佬就講話:『嘩,你核突啊,講啲咁嘅嘢,你唔好講啦。』」陳慧琳仲話囝囝平時都有讚自己靚:「佢都有讚我靚嘅,但唔會係嗰啲Hot囉,阿媽點會Hot啊!」
![陳慧琳 ansonlo 陳慧琳 陳慧琳心情大好,大爆同囝囝爆笑對話,話囝囝已經開始有少男心事!](https://imgs.orientalsunday.hk/wp-content/uploads/2023/05/photo_6228654679416486252_y_2412911836450adae73c99-682x1024.jpeg)
重遇Anson Lo:佢可塑性係高囉
陳慧琳於今次活動中重遇2018年為自己《打字機》MV伴舞的Anson Lo,陳慧琳表示拍攝MV當時已經覺得對方好型,但就冇諗過對方會出道:「覺得佢好乖巧,好好笑容,同埋好Pro,同埋佢都係聰明嘅。冇諗過佢會出道,因為我唔知道佢識唱歌,嗰陣只係見到佢跳舞咋嘛,同埋覺得佢扮嗰樣似嗰樣。因為嗰時個MV係60年代,嗰陣就覺得呢個男仔做到呢個感覺出嚟,佢可塑性係高囉。」
![陳慧琳 ansonlo 陳慧琳 陳慧琳於今次活動中重遇多年前為自己《打自己》MV伴舞的Anson Lo,激讚對方乖巧、夠Pro!](https://imgs.orientalsunday.hk/wp-content/uploads/2023/05/photo_6228654679416486084_y_181290296450adbd7913e-682x1024.jpeg)
陳慧琳話同Anson Lo拍攝MV時,已經覺得對方好型!
一齊睇Kelly足本訪問:
Kelly預告下年入紙紅館,將會Keep住有新歌出!
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!