衝上雲霄2|陳法拉當年失婚唔肯谷劇 張智霖吳鎮宇鬧爆拒再合作
![衝上雲霄2 陳法拉 衝上雲霄2 當年無綫高度重視,為免重蹈《金枝慾孽貳》、《神探高倫布》覆轍收視仆直,提早一個月前開始密集式宣傳攻勢,各演員都聽命歸位,唯獨第一女主角陳法拉以在美國進修為名,甩底香港所有宣傳。](https://imgs.orientalsunday.hk/wp-content/uploads/2023/01/photo_2023-01-19_18-51-37_84385298863c922f6b8458-1024x682.jpg)
《衝上雲霄2》陳法拉只現身大馬宣傳 香港宣傳全程甩底
2003年前無綫播出《衝上雲霄》熱爆全城,吳鎮宇、馬德鐘及陳慧珊的三角戀成愛情經典,馬國明、吳卓羲及胡杏兒憑此劇升呢,無綫為免《衝上雲霄II》成炮灰,播出日期一改再改,務求鋪天蓋地宣傳有助激增收視,最終落實2013 年 7 月 15 日 開播,早在一個月前開始播洗腦式宣傳片,劇組拉大隊到大馬宣傳,聲稱在美國紐約進修演藝課程的法拉,不惜走堂飛大馬,一連兩天的行程,法拉瞓身宣傳,更在活動上跟fans大玩遊戲,食完wasabi麵包之後再跳騎馬舞,頻頻賣口乖冧fans:「Fans專登喺新加坡飛嚟見我,我第一次嚟怡保,已經感受到大家熱情,令我好感動,唔捨得走!」
大馬騷兩日收六位數字 香港宣傳大細超
陳法拉喺大馬就落力,但當時在赤鱲角機場的飛機維修庫舉行的活動,以及劇集的宣傳都冇影,令大家覺得她大細超,當時有知情人士透露:「嚟緊仲有五個大型宣傳活動,監製親自打俾法拉好多次,話可以由佢定日子,其他人再配合,只希望女主角嚟到一次撐場,但法拉好絕情say no,但大馬又去到喎,梗係啦!大馬有騷錢收㗎,兩日就有六位數字,佢淨係睇錢,之後監製都費事再求佢!」
![衝上雲霄2 陳法拉 衝上雲霄2 劇組拉大隊到大馬宣傳,聲稱在美國紐約進修演藝課程的法拉,不惜走堂飛大馬,一連兩天的行程,法拉瞓身宣傳,在活動上跟fans大玩遊戲](https://imgs.orientalsunday.hk/wp-content/uploads/2023/01/photo_2023-01-19_18-51-15_137098187663c923469fd92-1024x866.jpg)
《衝上雲霄2》吳鎮宇嬲:「冇話冇邊個唔得!」
吳鎮宇和陳法拉屢傳有心病, 本刊記者提起法拉,鎮宇即皺眉頭,並猶豫良久才小心作答,但仍忍不住寸爆對方唔好自以為好重要﹗
(記 = 本刊記者 、吳 = 吳鎮宇)
記: 上一輯反應咁好,對收視係咪好大期望?
吳: 當然想收視好,想多啲人睇啦﹗
記: 會唔會一齊睇首播呀?
吳: 梗係想齊人食住飯睇啦﹗
記: 女主角陳法拉唔喺度係咪好可惜?
吳: 冇話可唔可惜㗎喎,成套劇冇話冇邊個唔得﹗一個人唔會影響到啲乜﹗
記: 會唔會覺得法拉宣傳不力?
吳: 我就盡咗自己責任喇﹗
![衝上雲霄2 陳法拉 衝上雲霄2 吳鎮宇和陳法拉屢傳有心病, 本刊記者提起法拉,鎮宇即皺眉頭,並猶豫良久才小心作答,但仍忍不住寸爆對方唔好自以為好重要﹗](https://imgs.orientalsunday.hk/wp-content/uploads/2023/01/photo_2023-01-19_18-51-10_60311883463c92378aa313-955x1024.jpg)
《衝上雲霄2》感情線七國咁亂
相隔十年,除了吳鎮宇飾演的Sam哥坐鎮,已人面全非,在上一輯跟胡杏兒的一段刻骨銘心愛情,今輯以病逝交代而告終,為了加強重口味劇情,幾位重頭主角嘴唔停兼床戰連場,Sam哥周旋於新加入的陳法拉和新角色胡杏兒,加埋吳卓羲等大玩五角戀,感情錯綜複雜,張智霖飾演的風流機師,更連食6女,做開乖乖仔的馬國明都玩一夜情,七國咁亂﹗
![衝上雲霄2 陳法拉 衝上雲霄2 相隔十年,除了吳鎮宇飾演的Sam哥坐鎮,已人面全非,在上一輯跟胡杏兒的一段刻骨銘心愛情,今輯以病逝交代而告終,為了加強重口味劇情,幾位重頭主角嘴唔停兼床戰連場](https://imgs.orientalsunday.hk/wp-content/uploads/2023/01/photo_2023-01-19_18-51-54_148645862263c923bbc417a-1024x681.jpg)
《衝上雲霄2》吳鎮宇誓不再合作
吳鎮宇和張智霖雖非無綫親生仔,但對於頻密式宣傳活動,亦完全配合,唔介意比一般劇集較多宣傳,工作人員透露:「鎮宇雖然要返內地拍嘢,但一早主動問宣傳日期,然後同內地劇組度期攞假,希望可以出席每一次宣傳,佢好緊張套劇,但相對女主角hea成咁,梗係嬲啦,對住ChiLam狂呻,喺背後鬧法拉連基本演員操守都冇,讀完書都唔會係一個專業演員,仲話永不合作!ChiLam咁好脾氣都鬧埋一份!雖然佢哋同記者講冇收視壓力,但其實好鬼着緊,日日喺微博宣傳套劇,呢排不停做電視台、報紙雜誌訪問,忙過電影宣傳,因為法拉連平面宣傳都冇乜做,變相其他演員要分擔,梗係有微言啦,話佢同鄧萃雯之前唱衰《金枝貳》冇分別!」
陳法拉周圍辣火頭令胡杏兒慘變第二女主角
當年扮阿姐犯眾憎陳法拉五月已約滿無綫,無綫鬧花旦荒,高層一年前已誘她續約,不惜以兩套重頭劇《衝上雲霄2》以及拍住視帝黎耀祥拍《傳愛事務所》,法拉嫌棄演空姐,要求演女機師,監製為她度身訂造角色,拍劇以來,是非不斷,周圍辣火頭,先是要求加戲份,令胡杏兒慘變第二女主角,拍劇時,又多多要求,幕後人員爆料:「法拉當自己係一姐,成日點人做嘢,話啲劇情犯駁,篤住監製話要點點點,搞亂晒大家啲場口同對白,鎮宇忍佢好耐,有次臨時爆肚,搞到法拉接唔住,呆咗企喺度,全廠人陰陰嘴笑。」而鎮宇和法拉雖然在劇中飾演一對,但拍劇以來屢傳不和,去年到巴黎、倫敦拍攝外景時,更將不和升級,因為法拉經常獨自離群,頻NG又遲大到,搞到鎮宇忍無可忍,在羅浮宮前媽聲四起、連環爆粗。法拉最後反口唔續約,玩謝班高層,又拒幫手宣傳,有傳法拉已經被高層列入黑名單!
![衝上雲霄2 陳法拉 衝上雲霄2 鎮宇和法拉雖然在劇中飾演一對,但拍劇以來屢傳不和,去年到巴黎、倫敦拍攝外景時,更將不和升級,因為法拉經常獨自離群,頻NG又遲大到,搞到鎮宇忍無可忍,在羅浮宮前媽聲四起、連環爆粗。](https://imgs.orientalsunday.hk/wp-content/uploads/2023/01/photo_2023-01-19_18-51-35_108563323563c9247ea1f9e-1024x682.jpg)
陳法拉微博唔提《衝上雲霄2》
陳法拉雖然人在紐約,但每日例必更新微博,大部分只是失婚後的校園生活,極少提及新劇,反而為電影宣傳。
![衝上雲霄2 陳法拉 陳法拉雖然人在紐約,但每日例必更新微博,大部分只是失婚後的校園生活,極少提及新劇,反而為電影宣傳。](https://imgs.orientalsunday.hk/wp-content/uploads/2023/01/photo_2023-01-19_18-51-57_180930263163c922a0ae965-814x1024.jpg)
《衝上雲霄2》吳鎮宇 張智霖 陳法拉 情陷三角
自2003年《衝上雲霄》後,吳鎮宇睽違10年再度回巢TVB拍續集再演機長唐亦琛,但胡杏兒演的妻子蘇怡第2集就病逝,後來邂逅了陳法拉,而法拉的男友張智霖(ChiLam)生性極之風流,好多女埋佢身,男方又來者不拒,有水照抽,令法拉覺這個男人欠安全感,而與吳鎮宇漸漸由family friend變成戀人,周旋二人之間大玩三角戀,糾纏多時後,ChiLam最終成全法拉同吳鎮宇,瀟灑全身而退。
![衝上雲霄2 陳法拉周旋在張智霖和吳鎮宇之間大玩三角戀](https://imgs.orientalsunday.hk/wp-content/uploads/2023/01/000010288123_1528278480_148138229963c0df5a2a0e3.jpeg)
《衝上雲霄2》故事大綱
唐亦琛(吳鎮宇飾)喪失愛妻,留在英國度過悠長假期,直至他遇到失戀流浪的何年希(陳法拉飾),令他提早結束假期回港,並加入Skylette航空再次飛翔,期間認識了機長顧夏陽(張智霖飾),兩人性格南轅北轍,亦琛內斂,夏陽張揚,二人先後跟到港投考飛行學員的年希發生感情瓜葛,加上亦琛擔任訓練機長考核夏陽,他們在事業和愛情上都有一番較量……
夏陽的妹妹夏晨(胡杏兒飾)為飛機維修員,因少年不快經歷對哥哥一直心懷怨憤。唐亦風(吳卓羲飾)發現夏晨酷似嫂嫂蘇怡,無法對她置諸不理,最終幫助兄妹和解。夏晨對他暗生愛意,他卻害怕勾起亦琛之痛而裹足不前……
副機長高志宏(馬國明飾)有兩個女朋友,難以取捨又不忍傷害,他與高級機艙事務長方芮嘉(江美儀飾)分享秘密成為知己,最後竟發生一夜情。本是港隊游泳選手的詹子麟(羅仲謙飾),為退役籌謀投考機師,卻愛上代友懷孕的凌卓芝(胡定欣飾)……隨着飛機的起落升降,繪成了一段段傷感、離別、喜悅與重逢的故事。
相關文章:衝上雲霄2|分集劇情劇透:深宵重播43集 吳鎮宇張智霖陳法拉情陷三角
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!