芯駖@COLLAR留言慘遭hater攻擊 Day嬲爆保護隊友 親自落場留言反擊

真身鬧Hater未驚過

許軼在愛貓的帳號上載多張照片，並配文道：「放手啊！比我食啊！」，而隊友芯駖亦留言：「幾時俾姐姐餵」，兩人的互動十分有趣！而芯駖的留言卻遭到hater攻擊：「點解要俾芯駖餵，到時沾染曬過時和柒的氣質點算」，原本許軼仍禮貌回覆：「咩意思？？？」，又附以三個問號。沒料到hater竟然繼續留言：「咁都唔明，你唔覺得X咩就芯駖」，過分的言論令許軼嬲爆為隊友反擊：「用個鬼ac，你真人應該仲X」，「我覺得一啲都唔X，我覺得好靚勁靚，所以你可以唔洗再係度cm啦」。

霸氣保護隊友獲粉絲大讚

許軼保護芯駖的舉動迅速引起粉絲的關注，不少粉絲都「幫口」擊退hater，又大讚許軼：「Day好波！respect！」、「Day 好正！ 有義氣！超有團魂！」、「Day保護隊友，好型！」等等。亦有粉絲又為許軼罕見發火解畫：「許軼最在意就係隊友，嗰條友踩到佢條底線，所以先發火」。

37歲芯駖@COLLAR被網民指身材走樣 零P圖下虎背熊腰唔似女團成員

女團COLLAR早前推出新歌《idc》，7名成員飛到日本進行MV拍攝，希望拍出來更有水準、更有質感，然而卻被網民鬧爆服裝造型不合格連環爆時裝車禍，其中隊中年紀最大的成員芯駖（李芯駖）更被指身材走樣，虎背熊腰的模樣引起網民猛烈抨擊。

零P圖下虎背熊腰

有網民在網上表示在日本街頭偶遇正在拍MV的芯駖，穿上裸色透視上衣和闊腳黑色牛仔褲的她將身形缺點全部表露無遺，包括肚子上的贅肉、粗壯手臂和背肉等等。擔任新歌形象指導及藝術總監的Chloe Mak，在其IG上公開多張COLLAR成員們的新照片，芯駖的照片同樣出事，令不少網民慨嘆驚嚇度十足，難以相信為何這張照片會被選用。

明顯露青筋皺紋

另外，亦有網民表示，新歌造型照中的芯駖雙手明顯露青筋和皺紋，慨歎這與女團的風格格格不入：「應該P下對手」、「不好意思，但對手需要修護一下，看來好像好多經歷」

曾被封「女人天花板」

現年37歲的芯駖，2年前參加《造星4》時雖然狀態大勇被封「女人天花板」，但當時已被外界質疑如作為女團成員出道可能會太過成熟，難以駕馭以青春活力的風格，再加上她與其餘成員們年紀相差一大截，令人人擔心她在COLLAR會格格不入。

李佳芯仲後生

有網民將另一位「芯」姐李佳芯與她拿出來比較，雖然1982年出生的李佳芯比起芯駖還要大4年，但論外貌和身形都比對方顯得更加年輕：「真女人天花版！」

網民狠批MV造型師 Candy嚴選最肉酸

COLLAR推出新歌後，唔少網民在COLLAR的官方IG批評，指今次MV造型非常不討好，尤其是Candy的打扮被指是眾人之中最肉酸，寫道：「乜料呀影到Candy咁樣，我X」、「炒咗個造型、攝影同IG揀相呢3個人佢啦」。

Gao被批化妝化到中毒咁

另外Gao的造型同樣遭到狠批，認為型格也可以靚女，網民更指個妝搞到佢中毒咁！

網民希望ViuTV換造型師

其次還有其她團員的造型，網民亦逐一批評，更希望ViuTV能聽到他們的心聲，不要令偶像們的造型一次比一次更差！

女團COLLAR自蘇芷晴（So Ching）退團後，從此由8變7。經過一段時間沉澱後，COLLAR終於有新歌《idc》派台，近日亦在官方IG晒出各人造型照。

COLLAR︳新造型照曝光 變「忍刀七人眾」

COLLAR全體成員包括芯駖、Gao(沈貞巧)、Day(許軼)、蘇雅琳(Ivy)、Marf(邱彥筒)、Winka(陳泳伽)及Candy(王家晴)在IG都有新造型，各人造型都各有性感，據知是飛往日本拍攝，部份成員手持忍者兵器，同過往造型與別不同，勁有新鮮感，唔少網民已經逐一評價7位成員新look，更笑指變「忍刀七人眾」！

評價 1︳Gao似得罪造型師

有不少網民見到Gao嘅造型照，紛紛唔多接受，「究竟啊餃同collar個造型師有咩過節」、「如果撒旦係女人 應該係咁樣」、「嘩… 唔好喇… SOR 唔識欣賞… 個 Stylist 發生了什麼事…」、「呢邊個建議係換咗造型師」。

評價 2︳芯駖隻手出事

芯駖變成「浪客劍芯」，化身女劍士，勁有霸氣！不過有網民嫌美中不足地方是芯駖雙手略見不少青筋和皺紋：「應該P下對手」、「不好意思，但對手需要修護一下，看來好像好多經歷」

評價 3︳Ivy So、Day、Marf、Candy全面升呢！

網民有批評個別成員造型有少少炒車，但大讚Ivy So、Day、Marf、Candy 新造型全部升呢！唔少網民留言：「Ivy單眼chok樣再加雙刀造型，勁有殺氣」、「真心想知stylist是邊位！點解唔似平時，感覺全部升lv 晒！連呀Day 都唔同晒！又型又靚！」、「Marf有料到wor ，襯到絕！ 」、「糖b揸住呢把苦無打仗 一定大獲全勝！」

評價 4︳Winka多口累事 like數最低

曾有不少網民指COLLAR今年重新出發，但卻被多口的Winka拖累，今年推出獨唱歌《一手造成》，宣傳時把前度掛嘴邊，被指不停消費前度，不過Winka堅持做自己，最近又因取消關注So Ching惹起爭議。今次造型照一出，證明從like數反映出Winka的支持度係最低，睇嚟Winka要加把勁了！

即睇《idc》