68歲肥媽連晒兩個Model級孫女 網民激讚似甄妮後生推薦選港姐
肥媽:Zamara留幾日好快就要走
現時處於半退休狀態的肥媽,繼早前在YouTube分享了由與英國回港的20歲孫女Soufia飲茶的影片後,日前又再上載與兩個孫女去飲茶的影片,笑言:「另外一個孫女Zamara都飛咗返嚟,一返嚟第一件事都係話要飲茶,因為好耐未飲過茶,所以今日一齊嚟再去飲茶,Zamara留幾日好快就要走了。」
![肥媽 肥媽帶兩個孫女Soufia左)和Zamara右)去飲茶時,笑到四萬咁口。](https://imgs.orientalsunday.hk/wp-content/uploads/2022/08/10_48271968863030cafc39aa-1024x575.jpg)
肥媽拒提名兩孫女參選港姐
網友紛紛大讚「肥媽兩個孫女超級靚」、「2個孫女既笑容都好甜」、「細孫女個樣好似甄妮姐姐後生時」、「肥媽兩位孫女真係好靚女!好有Model Feel」、「廣東話又講得咁好,人又乖巧,絕對可選香港小姐有餘」等,不過肥媽就對傳媒表示不會提名兩個孫女去選港姐,原因是兩人一個想做醫生、一個想做心理醫生,都無意進入娛樂圈。
![肥媽 肥媽拒絕為兩個孫女提名參選香港小姐,話如果佢哋想參加,就要搵第二個幫佢哋提名!](https://imgs.orientalsunday.hk/wp-content/uploads/2022/08/08_76620888063030caa13ec8-1024x602.jpg)
爆18歲孫女細個花名叫「節瓜」
肥媽介紹Zamara今年18歲,又大爆她細個時的花名叫「節瓜」:「因為佢細個肥到一節一節,啲肉要拮入去先拮到,而家好瘦。Soufia就叫攣毛。」肥媽又指Soufia有兩年時間未返過香港,Zamara則是一年半,但今次因疫情要隔離的關係,Zamara只有9日時間可以陪伴肥媽,兩嫲孫都表示會好好珍惜今次相聚的時光。
![肥媽 Zamara在社交網上分享了不少Fit爆性感相,想不到原來她小時候花名叫「節瓜」。](https://imgs.orientalsunday.hk/wp-content/uploads/2022/08/04_4784298726303113125471-1024x1024.jpg)
重溫肥媽與大孫女Soufia開心飲茶 網民勁讚孫女靚女盡得遺傳
肥媽早前於YouTube分享咗與英國回港的20歲孫女Soufia的飲茶的影片,指與孫女已經幾年無見,知佢想飲茶即帶去佢,非常疼錫孫女。肥媽喺影片不斷大讚20歲的孫女非常孝順,平日會幫老豆的餐館洗碗,又不斷大讚孫女好靚,又話同孫女係「姊妹」,看出2人感情非常好。唔少網民都留言指孫女好有明星相,盡得肥媽遺傳,可以去選香港小姐「選香港小姐都掂啊,對眼好迷人。」、「終於團聚了,替你開心。孫女好可愛呢」、「肥媽,你大孫女好靚女」、「肥媽,妳的孫女很似妳,開心,漂亮」等等。
![肥媽](https://imgs.nmplus.hk/wp-content/uploads/2022/08/-2022-08-10-10.21.56_211649692662f31bf3ad5d2-1024x522.png)
強調孫女係中國人
之後肥媽又上傳多一條影片,2人一邊食飯一邊拍片同大家傾吓計,孫女好識講嘢,讚肥媽好有型,肥媽就表示「同孫女出街緊係要有型,唔可以成個師奶咁。」哄得肥媽都非常開心。後來又講到點解一臉西方面孔的孫女識講廣東話,肥媽就表示「孫女點解識講廣東話,佢中國人嚟架嘛」原來孫女喺香港大,讀完中一後才去外國讀書生活。
![肥媽 肥媽早前為大孫女Soufia慶祝生日。](https://imgs.orientalsunday.hk/wp-content/uploads/2022/08/02_139481083463030fe2e29ae-843x1024.jpg)
肥媽經歷兩段婚姻
觀眾平時見到的都係肥媽強悍一面,或者同六號(陸浩明)嘻嘻哈哈教煮餸,你又點估到佢曾經係悲劇主角?事緣18歲果時,肥媽嫁畀大過佢22年的菲律賓酒廊琴師,對方家境平俗,家庭經濟全靠肥媽支撐,養活一家八口。肥媽透露前夫婚後一年即失業,每月攤大手板問佢攞錢,每次出糧都要成個糧袋都交俾對方,但每每未到月尾就已經花光。所以肥媽的子女們都勸佢離婚,認為如此下去肯定冇前途。肥媽仲話前夫曾偷食家中女傭,令對方懷孕,衰到冇人有!
![肥媽 肥媽與首任丈夫曾育有6名子女。](https://imgs.orientalsunday.hk/wp-content/uploads/2022/08/01_136045772363030d69851bb.jpg)
以為咁樣做已經夠賤?低處未算低!當前夫覺得肥媽自力更生,佢就想完全控制肥媽,不時拳打腳踢,連刀仔都出埋!只求打到你服。好彩肥媽夠健碩,擋到幾下刀攻拳踢,不過咁做已經傷透佢心,更對小朋友造成好大影響。雖然已經過去多年,但肥媽在節目中重提呢段慘痛經歷時都忍唔住爆喊!
![肥媽 111](https://imgs.orientalsunday.hk/wp-content/uploads/2017/05/nhv4dxh3MJN7gxp/111_1015851669592e6dd52ab39-1024x431.jpg)
與Rick再婚舉行3次婚禮
肥媽嘅葡籍丈夫Rick在2020年不敵癌魔離世。Rick於2017年確診末期肺腺癌,肥媽一邊承受巨大嘅心理壓力,一邊以各種方式支持老公,並肩對抗癌魔。肥媽同丈夫鶼鰈情深,結婚21年來一直恩愛,兩人當年結婚時,曾因家有白事沒擺酒,之後為彌補遺憾,曾先後3次補辦婚禮,肥媽更曾喺在鏡頭面前大讚丈夫,甜蜜講述二人之間嘅相處點滴。
![肥媽痛失丈夫!肥媽兩段婚姻曾被前夫家暴 與Rick再婚舉行3次婚禮](https://imgs.orientalsunday.hk/wp-content/uploads/2017/05/nhv4dxh3MJN7gxp/869c_kisscover_835468186592e73eb81671-768x1024.jpg)
重溫肥媽與Rick的甜蜜時光。
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!