29歲江嘉敏分手近2年首度認因剪短髮被飛 獲「前姊妹」劉佩玥力撐

江嘉敏自嘲應入圍最佳男主角獎

江嘉敏今年有《黃金萬両》、《新四十二章》兩部劇集播出，而她入圍的獎項包括有：最佳女主角（《新四十二章》邵桂芝）、最佳女配角（《黃金萬両》金枝）、最佳電視歌曲（《黃金萬両》主題曲，與薛家燕、曹永廉、麥美恩、黃子恆、朱智賢、馬貫東合唱）和最佳劇集（《黃金萬両》、《新四十二章》）獎，不過在記者會上，她就自嘲以其「Mon姐」造型，應該角逐最佳男主角獎。

江嘉敏首認因剪短髮被飛 獲劉佩玥力撐：咁嘅人唔要都罷

江嘉敏在接受訪問時，表示無後悔為這套劇剪短頭髮，又對《新四十二章》監製陳維冠（Joe）揚言下套劇要她再剪短頭髮甚至光頭都得：「我話畀你聽，我江嘉敏唔理分幾多次手，畀人飛幾多次，我照剪！我講嘅！」不過補充指被人飛多次的前提，是要先有對象。她身旁的劉佩玥亦出言力撐她：「如果因為剪短頭髮而飛佢嘅，要唔要都罷啦！」

江嘉敏早前傳有富貴醫生追求大曬貴價名牌手袋

江嘉敏表示現時沒有對象，不過早前她曾被傳戀上富貴醫生，她在接受訪問時否認戀情，但就甜笑認有追求者：「有認識唔同嘅朋友，同唔同嘅朋友了解吓，唔係我要就要，都係隨緣！而家專注工作先，大家好想我嫁得出，驚我嫁唔出咩？」她更好有自信咁話：「我瘦唔瘦都有人追，唔同朋友都……了解吓先！」

去年江嘉敏分手曾祝福前度 實質踢爆？

江嘉敏有米電競高層Anthony拍拖4年以來不時放閃，去年初突然傳出分手，當時江嘉敏未有正面回應，但就不停有意無意暗示情傷！到同年4月，江嘉敏終於認分手，但祝度「你們都會好好的」，被指有骨落地，還要tag埋前度Anthony，不過前度已刪除了該社交帳號，似乎想同江嘉劃清界線：

一切的起點，都是最美的瞬間。
美好的回憶，會長存在腦海中。

四年了，感謝你一路以來的相伴。
我相信，我們都會以更好的自己迎接未來。

這奇妙旅程的火車到站了，
就好好的一起畫上句號吧。

我知道，你們都會好好的。
我也一樣，會繼續努力，讓你驕傲，曾經的相伴，留下了很多足夠潤澤我往後日子，支持著我好好的成長。

對不起，你在身邊時，我還未是最好的自己。
謝謝你，旅程結束時，讓我知道我可以更好。
再見了，期待我們再見時，我們都過得理想。

網民指分手宣言花生度高：佢想話自己係被背叛﹗

江嘉敏的有骨分手宣言引起網上熱討，有網民支持她單身快樂「重新站起，你先27歲」、「三四年過咗就算，可以搵個更好」。不過有更多網民認為江嘉敏對前度「祝福」明顯帶刺，留言：「分手宣言都要咁mean，份人一定好難頂」、「你們會好好的呢句真係好有骨好天蠍座﹗」、「做人不要太江嘉敏」、「呢個真係極品，平時鍾意R著數，有男友又去姣第二啲人」，「佢唔會就咁完，買定花生啦」等等。

江嘉敏暗示剪短髮被嫌棄兼催婚失敗 屈到病閉關

江嘉敏當時暗示同電競高層男友Anthony分手，又出po唱通街，意指剪短髮被嫌棄，男方疑似出軌令她徹底死心。不過已經唔係首次畀仔飛的江嘉敏今次似乎放唔低，連日在社交網繼續盡訴心中鬱，透露閉關唔出街，失眠個幾月要睇中醫，仲上載舊MV暗示與男友對結婚意見有分歧。

江嘉敏受重創匿家療傷

傳出江嘉敏與有米男友Anthony甩拖後，除Unfollow對方的社交帳號外，連日來不停發文抒發感受，似乎傷得甚重，她透露自己足足半個月沒有離開家門。

江嘉敏閉關睇書悼念已死愛情 失眠個多月求醫

江嘉敏在社交網上載兩本書，書名分別是《自愛是》與《靜心是》，似乎想透露自己當下心情，更留言：「把自己關在家裡快半個月了，大家放心，我沒生病，身體好得很……也有準時吃飯……謝謝朋友送我的兩本書……都是很值得深思的課題。」江嘉敏閉關療傷的同時，更因為失眠個幾月，最終要去睇中醫。

江嘉敏暗示與男友意見分歧

此外，江嘉敏在限時動態上載2016年為曹震豪拍攝的《循序漸愛》MV，觸景傷情留言：「呢個時候彈呢個MV出嚟，好咩？啲對白……真係好入心入肺！」這個MV內容講述一對同居戀人，生活變得平淡，開始嫌棄對方，似乎是江嘉敏的真實寫照，江嘉敏更在MV內向曹震豪表示：「我同你一齊咁耐，點解我唔覺得你有諗過我哋將來嘅？」曹震豪答她：「將來嘅嘢邊個知呀？依家唔好咩？」據知江嘉敏近年非常進擊，不時提出結婚的要求，似乎是在暗示與Anthony在結婚問題上意見分歧，仲分手收場。

網民P圖令江嘉敏笑容再現

分手雖然傷心，但江嘉敏亦苦中作樂，她上載了多張網民的改圖，對於因剪男仔頭畀仔飛，網民戥她唔抵，仲幫佢P了多張長髮靚靚圖，江嘉敏睇完表示呢兩個月笑得最開心，多謝網民咁有創意，仲留言：「見到自己可塑性原來可以咁高，唔驚冇人追啦」。

睇番江嘉敏長髮靚相：