楊千嬅自爆10歲仔匿埋聽林夕舊作 藝人身份面試被考官被針對
雙子座兒子識氹人 匿房間聽林夕舊作
水瓶座的千嬅鍾意用星座來相人，她說︰「可以大概知一個人性格，當然人人都會有唔同。我個仔雙子座，會有自己邏輯，唔會講阿媽唔啱聽、有機會畀媽咪問反嘅嘢。而家小朋友個個都係咁，佢算低壇數，（囝囝）都係搵食啫。」
千嬅又爆10歲囝囝最叻在自己同老公面前「 扮細路」，她笑說︰「點樣識穿？因為見到佢同其他小朋友玩嘅時候，啲樣唔係平時嗰啲樣。當你發現小朋友喺爸爸媽媽面前質低自己『扮細路』，就知道佢已經唔係細路。」千嬅同時又發現兒子另一秘密，就是聽自己的舊歌︰
聽到佢喺房聽我首舊歌《河童》（2001年作品），佢話學中文喎。唔知點解佢識聽。
楊千嬅兒子聽《河童》歌詞學中文
《河童》係楊千嬅2001年的作品，由黃丹儀作曲，林夕填詞，收錄於楊千嬅2001年專輯《Miriam》：
河水會可憐蓮花落 落花會惜別好陽光
星球之中河童在何方 他家裏沒有房
小金花竟拒絕盛放
迷上安徙生寵愛小王子 邂逅絕世動人故事
舉世樂意知 崇拜宮崎駿天空作的詩
巴不得聽到下輩子
誰吻別過河童 他長相很朦朧
他渴望到花園找一個夢
誰愛護過河童 我仍願意相信
堡壘和皇宮 或者難容他
但我願與他擁抱 令這 世界 別凍
如果美好如淩波麗 誰想去親近黑胡鬼
天堂假使原來沒樓梯
就相信 白牡丹黑烏鴉 都創自上帝
迷上安徙生寵愛小王子 邂逅絕世動人故事
舉世樂意知 崇拜宮崎駿天空作的詩
巴不得聽到下輩子
誰吻別過河童 他長相很朦朧
他渴望到花園找一個夢
誰愛護過河童 我仍願意相信
堡壘和皇宮 或者難容他
但我願與他擁抱 令這 世界 別凍
別要 令他 冰涷
兒子入學面試 楊千嬅藝人身份被針對一句反擊
接住千嬅又講到幫囝囝報學校的逸事，面試當日被外籍面試考官用google搜尋自己，她笑住話︰「我見到佢喺我面前google我，因為佢副眼鏡反光睇到。跟住即刻針對我問『你可以畀到幾多時間，陪小朋友學習』，我就答係可以隨時隨地，因為佢（囝囝）係我first priority（首選）。」最後兒子成功入讀。
楊千嬅為谷愛子入名校虛脫激殘 選讀IB課程激發創意
楊千嬅回想初為人母時，曾爲谷仔入名校，犧牲自己不少休息時間，千嬅當年受訪，曾訴說希望兒子將來有成就，本刊發現千嬅並非得個講字，而且已積極實行。原來千嬅爲替愛子揀選學校及playgroup，在愛子剛滿一歲時已親身到心儀的幼稚園及playgroup視察，然後通宵上網搜集資料，因而捱病，其後被迫將心水名單交予老公丁子高代勞。
相關文章：楊千嬅虛脫激殘 高齡媽媽唔易做！為谷愛子Torres入名校
楊千嬅為子揀英基 全年學費約10萬
楊千嬅與丁子高的兒子丁進諾（Torres）最終入讀了英基屬下位於港島區的白普理小學（Bradbury School），有指楊千嬅是為了免囝囝Torres學習壓力太大，因而選擇報讀國際學校，而丁子高就認為國際學校的環境空間較大、設施較完備，故亦傾向國際學校，放棄為兒子報讀其母校、位於灣仔區12校網的資助男校聖若瑟小學。
夫婦倆曾考慮加拿大國際學校，亦出席過學校的面試，但最終決定讓 Torres 入讀白普理小學（Bradbury School），Year 1 全年學費約10萬元。早年楊千嬅一家三口被目擊出席學校新生日，開學首日千嬅親自接 Torres 放學，見證兒子成為小一新生。
楊千嬅爆囝囝想參加《聲夢傳奇》
楊千嬅在節目講到早前Halloween為囝囝丁進諾佈置屋企，原因是他不單儀式感重，而且喜歡扮鬼扮馬，更遺傳父母鍾意唱歌的特質，她說︰「佢好鍾意唱歌，仲睇晒《聲夢傳奇2》識晒啲學員名，所以佢識Eric（《聲夢2》導師之一）。佢叫我問下點樣參加。我話你唔好言之過早，10歲咋。佢唔知以為係玩game，唔明個樣嘢，唔明個壓力喺邊度。」另外，打從做女開始，鮮有下廚的千嬅，近年已榮任為廚娘，雖然未至於出色，至少識煮。原因是老公喜歡食之外，更會評頭品足，但更多的是想可以親手煮餸給兒子吃。
拒絕與丁子高同枱玩啤牌
話題講到千嬅老公丁子高身上，他在圈中素有「遊戲大王」之稱，楊千嬅被問到會不會同老公同枱玩poker，千嬅斬釘截鐵話不會︰「係就真係大鑊，會變成「倫理」問題，真係大件事個啲，佢（丁子高）一係話『做咩呀，你仲去』或者『你唔係呀，你大我呀』。」絕對是一個兩難局面，身旁的師兄似乎感同身受，語重心長回了句︰「我完全諗到個畫面。」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
