東方昇專訪「攝理教」港區離教者!再爆內幕為葉萱遭抹黑平反
「攝理教」邪教教主的惡行引起世界各地的廣泛關注,「毛記電視」的最新一集《國家級任務》,東方昇訪問到「攝理教」的離教者,受訪者不但認識葉萱,更在訪問中踢爆更多有關「攝理教」的驚人內幕,教普羅大眾用「3大招」分辨「攝理教」!
![東方昇 攝理教 葉萱 東方昇邀請已離教的「攝理教」香港教徒接受訪問,踢爆更多邪教內的驚人內幕!](https://imgs.orientalsunday.hk/wp-content/uploads/2023/03/24_03142-0-20-screenshot-1_2079089189641e708d4c7fa-1024x576.png)
東方昇:比訪問AV女優更有意思!
東方昇在分享節目時,直言今集比上ー集訪問香港AV女優更加有意思,認為訪問內容「值得大家反思~尤其是基督徒同天主教徒一定要睇!!」至於網友觀看過後嘅心得如下:
見到葉萱開記招之前嘔住咁話,神都阻唔到佢嘅決心,感受到佢嘅勇氣、哀傷、氣氛… 感激妳肯排除萬難,想像唔到係點樣捱到過嚟,記得唔好理其他酸民!加油!對自己好啲 !多謝一百毛咁快手!希望唔好再有人受罪!特別係香港人!
再聰明的人都會有愚蠢嘅時候,所以我哋更加要互相提醒,最危險嘅時候就係封閉自己
最尾講得好好,大家真係要多啲憐憫 日日處於一個洗腦嘅環境入邊,根本已經失去分辨對錯嘅能力,因為真係唔知咩係啱同埋錯了 唔講遠,近少少睇香港,大家可能都已經明白
自己都係一個基督徒,知道呢件事都真係好嬲,平時都有會係街上傳福音,相信經過呢件事對一啲未信者嚟講都會對宗教有啲負面影響,係之後傳揚真正嘅基督教都會難左好多,真係好希望呢個教滅絕係呢個世界上 同埋真係想講啲受害者唔係白痴無腦,只係佢地係一個最迷惘嘅時候信錯人,真心好希望你哋可以快啲醒悟,勇敢走返出嚟,神會保守你地!要緊記聖經講過我地必需要凡是盼望,神係會有公義,應得受罰嘅人一定會被受罰,加油
方力申女友葉萱早前接受Netflix《以神之名》紀錄片訪問,揭發出韓國「攝理教」和教主鄭明析的真面目。今次「毛記電視」的最新一集《國家級任務》便訪問到「攝理教」的離教者,揭出更多有關「攝理教」的驚人內幕。
「攝理教」離教者大爆親身見教主經驗
受訪者表示自己在十幾歲開始接觸到「攝理教」,並且表示曾到韓國親身見過教主:「我見過佢好幾次㗎喇,一開始見佢我完全係冇感覺囉,我完全感受唔到『呢個就係神』,我之後有幾個朋友都走咗,佢地都有咁嘅反應,因為佢以前佢監獄嘅時候,成日話自己禁食,唔食嘢咁為我地禱告,但係佢一出嚟勁大個肚腩,我啲朋友都話接受唔到,覺得佢根本就係假㗎。」
「攝理教」多美女 唔夠靚可能冇得入會
在Netflix的紀錄片中亦有提及到,「攝理教」中大部分女教徒多數都是美女,身高都高達170。東方昇問到樣貌不出眾的教友會否被教會拒諸門外時,受訪者坦言:
「有啲個樣冇咁出眾,又唔係好高、矮矮地咁,跟住又可能唔係特別好熱心咁樣,你會發現其實啲人有少少唔係好理佢地嘅,尤其是係最高嗰啲指導者。」
離教者與葉萱私下有交情 為Maple反駁平反
對於網上有留言指葉萱「愚蠢上當」,與葉萱有交情的受訪者亦有為對方反駁平凡:「我自己本身識Maple喇,其實佢真係一個好真誠好單純嘅人,咁所以我都睇到啲人話佢蠢,我都唔明點解啲人會咁樣講,因為其實你畀人洗咗腦呢,其實你自己真係唔知㗎,我覺得大家畀多少少憐憫,因為佢都係一個受害者囉。」
![東方昇 攝理教 葉萱 方力申女友葉萱早前亦受害者身份接受Netflix《以神之名》紀錄片的訪問,挺身而出指證教主鄭明析的惡行。](https://imgs.orientalsunday.hk/wp-content/uploads/2023/03/902_1024_98405710641e701961808-1024x577.png)
教會安排婚姻 會安排信徒嫁到台灣
當東方昇問到「攝理教」是否嚴禁教徒接觸異性時,受訪者表示:「唔可以諗(異性)添啊,即係你真係諗接觸,簡直係要落地獄囉即刻。唔可以講嘢啦,我幾年冇同過男仔講嘢,跟住你更加唔洗諗身體接觸。」受訪者更表示因為教內男女信徒數目不平衡,所以教會會安排部分女信徒到台灣結婚,傳宗接代:「有個部門叫家庭部,你係教會入面搵返教會嘅人,結婚之前每個人都要寫信畀鄭明析,寫低你希望遇到咩對象,佢地自然會幫你匹配。同埋其實長期男仔都係短缺㗎,所以有時候會嫁去台灣,因為台灣多啲男仔(信徒)。」
![東方昇 攝理教 葉萱 受訪者更直指教內的女性比例高達八成,令不少女教徒都被安排到台灣結婚,傳宗接代。](https://imgs.orientalsunday.hk/wp-content/uploads/2023/03/24_03142-16-20-screenshot_2104895182641e7115a279f-1024x576.png)
「3招」教普羅大眾如何分辨「攝理教」
最後,受訪者亦教大眾3大招如何分辨「攝理教」:「第一,攝理教會教導無論男女信徒都是「神的新婦」、「神的新娘」,即係Maple,佢係信仰明星嚟嘅,佢就係嫁咗俾神,如果話係呢個世上嘅話,你就係好似嫁咗俾鄭明析咁,因為佢就係代表神。」此外,受訪者亦表示假如教會一開始便提及「靈」、「魂」、「肉」等三大要素或以科學角度解釋聖經的話,很大機會該教會就是屬於「攝理教」的教會之一。
![東方昇 攝理教 葉萱 受訪者教「3大招」分辨是否「攝理教」](https://imgs.orientalsunday.hk/wp-content/uploads/2023/03/1_108857137641e715310233-1024x576.png)
一起看「攝理教」離教者足本訪問:
「攝理教」離教者踢爆驚人內幕!
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!