青春不要臉｜回顧周星馳出道舊相 訓練班年代星爺真係似丁子朗？

回顧周星馳訓練班年代
1981年 19歲麗的做茄哩啡

投考訓練班前，1981年還未到20歲的周星馳先於麗的電視( 亞視前身)做特約演員入行，在處男劇《 IQ成熟時》演壞學生，威迫嚟報讀嘅鍾保羅等男生入會交保護費，演得寸寸貢。

1983年 21歲演黑殭屍成名

周星馳83年藝員訓練班畢業後，被安排接替梁朝偉做兒童節目《 430穿梭機 》主持，憑同龍炳基 (右 )合作短劇〈黑白殭屍〉演419歲黑殭屍成名 。

1987年 25歲嫩口花𡃁仔

87年調回戲劇組嘅周星馳，台慶劇《生命之旅》擔任配角，當年25歲非常嫩口，成個花𡃁仔咁，著上牛仔褸同牛仔褲，青春氣息澎湃，女fans 見到會嗌。

青春不要臉｜周星馳、丁子朗胡說八道呃細路

1988年 《 鬥氣一族 》硬食羅明珠波餅

已故「 開心少女組 」成員羅明珠88年參演無綫劇集《 鬥氣一族 》，首次同周星馳合作卻並非演情侶（演的是堂兄妹），周星馳與吳君如在劇中是一對，但與羅明珠合照時唔單止成對情侶咁，仲請星爺食波餅。

1988年 26歲台灣奪金馬獎最佳男配角

88年周星馳喺第二部電影《 霹靂先鋒 》 演偷車賊，憑青澀有層次嘅罕見正經演出， 奪《 第25屆台灣金馬獎 》「 最佳男配角 」。

1989年 27歲開創無厘頭

1989年周星馳喺劇集《蓋世豪俠》首次擔正，無厘頭搞笑初嘗試大獲成功，口頭禪「坐低，飲啖茶，食個包。」「 你講嘢呀 」等成港人口頭禪，令星爺一劇爆紅並開啟同吳孟達最佳拍檔模式。

1989年 同年撻著羅慧娟

89年周星馳同羅慧娟拍古裝武俠喜劇《 蓋世豪俠 》時擦出愛火花，兩人雖然冇公開承認戀情，但大家都知佢哋係一對，惜呢對金童玉女92年分手收場。

1991年 29歲劉德華合壁

周星馳同劉德華90年喺電影《賭俠》首次合作票房勁收四千萬，91年2月兩位當時得令紅星碰頭，星爺紅色長衫，華仔就西裝骨骨，相對強烈，呢年兩人再合體演《整蠱專家》。

1992年 30歲贏亞太影帝

92年周星馳喺杜琪峯執導嘅清裝喜劇電影《審死官》演狀王宋世傑， 憑揮灑自如嘅演出，勇奪《第37屆亞 太電影節 》「最佳男主角」，初嘗影帝滋味。

1992年 萬梓良伴郎

89年萬梓良同恬妞合作無綫劇集 《他來自江湖》時撻著，三年後舉行世紀婚禮，同劇嘅周星馳、梅小惠任伴郎伴娘，婚禮過程無綫製作成《萬紫千紅喜迎親》現場直播，轟動全城。

丁子朗分享扮演周星馳心情

對於要在劇集《青春不要臉》扮演星爺，24歲的丁子朗在劇集開播時曾經分享心聲：「對我而言，演員就係要經歷不斷被拒絕，然後再繼續去試，直至等待到一個機會。當中過程、挫敗，將會成為未來發光發亮嘅燃料，感恩遇上#舟仔 同#榮仔沿途陪伴，令再艱辛嘅旅程，都變得甜美，大概這就是青春的印記」

周星馳的臨時演員生涯

周星馳在成名之前也經常在電影中客串，被不少眼利的粉絲逐一認出了，還表示星爺天生的喜感使他即使是小角色也能發光發亮。其實周星馳在18歲時在當時麗的電視當臨時演員入行，後來經戚美珍介紹成為第11期無綫藝員訓練班的一員，正式開展演藝生涯。

星爺當時不但被安排加入兒童節目《430穿梭機》，更在不少經典之作中參演，雖然只是一些沒有台詞的小角色，但也清楚認出是他本人！一起看看星爺由小演員到大導演的辛酸路！

周星馳個樣平平無奇？

早前周星馳因為與于文鳳案而頻頻現身新聞版，觸發網友再度討論星爺嘅成就，竟然有人提到星爺個樣：

《喜劇之王》經典場面 (難以盡錄)