全民造星4｜8人女團COLLAR正式誕生 35歲芯駖入圍最大爭議
撰文：東方新地 圖片：ViuTV圖片、Facebook@造星評議會
《全民造星4》 8人女團名單
ViuTV女團選秀騷《全民造星4》圓滿結束，結果都係大熱入三甲，不過都有好多受歡迎的參賽者等住被召喚成為女團的一份子。今天（12/1）在女團成立記招上，女團成軍名單終於揭曉！除了冠、亞、季軍Marf（邱彥筒）、Gao（沈貞巧）及Day（許軼）已穩佔女團3席位外，其餘5席是人氣王Ivy So、WINKA、芯駖、So Ching及Candy，組成8人女團，亦好符合經理人阿Wing所講，20強會優先考慮的安排。至於團名亦確認叫COLLAR，而早前ViuTV已為COLLAR一字註冊商標。而現場亦公布了女團的首支派台歌《Call My Name!》，仲話喺短短呢大半個月以嚟，仲影埋造型照、錄新歌以及拍埋MV，認真快手！不過短短唔夠半個鐘嘅記者會上面COLLAR發言機會並唔多，當中So Ching仲冇講過嘢添。
女團名單好正路
睇番女團COLLAR名單，其實都好正路，除三甲外，第4名的芯駖（評審：16分 / 民選：17分）、第6名的So Ching（評審：12分 / 民選：16分） 、第7名的Winka （評審：15分 / 民選：10分）、第8名的Candy （評審：10分 / 民選：13分）及第11名的Ivy So（評審：5分 / 民選：15分），全部都是人氣參賽者 。
早前曾有傳COLLAR會由8人以上組成，不過經過ViuTV內部商議後，敲定為8人女團，成員全部都是20強參賽者。
芯駖被嫌棄年紀大
不過不少網民似乎對芯駖能突圍而出有意見，仲話35歲的芯駖入團會拉高女團的平均年齡，網民更表示甜美之選YoYo與Ash唔入團都唔正常；而比賽以來都有話題的Win Win與CK就冇得留低，有人指出因評判謝安琪於完騷後曾自爆心水，睇好Win Win同CK是女團的上佳人選，結果慘被「燈死」！
花姐話揀女唔係睇分數
花姐早前講明揀女團不是睇分數，決賽當晚Win Win、CK都比Ivy So高分，但20歲的Ivy So一直都坐擁超強人氣，亦係顏值擔當，前途無限。跳舞老師芯駖靠實力，So Ching明顯有進步，至於Candy，花姐與女團經理人阿Wing早已透露係心水之選，另眼相看。
《全民造星4》FAQ
Q： ViuTV女團COLLAR的成員有哪幾位?
A：ViuTV女團COLLAR的8位成員有全民造星4冠、亞、季軍Marf（邱彥筒）、Gao（沈貞巧）及Day（許軼）及…詳情請看。
Q： 《全民造星4》女團成員何時揭曉？
A： 《全民造星4》女團成員將於2022年1月揭曉，總決賽三甲直入女團，其他入圍成員及團名按此看詳情； 至於「5大星級評」判，除了李嘉欣，仲有以下幾位⋯⋯按此看詳情
Q：《全民造星4》冠軍參賽者Marf有幾利害？
《全民造星4》大熱門19歲Marf的IG Followers由最初幾千人一躍到現時接近16萬，因為髮型關係曾經有「翻版炎明熹」之稱，但出場之後跳唱演技都有令人深刻印象，她的原名是⋯⋯詳見全民造星4｜大熱門19歲Marf穩入女團 曾與姜濤拍廣告 為家人朋友放膽一博
Q： 《全民造星4》今屆女團經理人阿Wing是誰？
節目監製花姐經常在節目中搶晒風頭，但到今屆曾表示要「退下火線」，力捧新女團經理人Wing戴穎上位，被稱為「新花姐」。而其實這位「新花姐」來頭唔小，而且同MIRROR亦好有淵源！詳見：經理人阿Wing戴穎起底
ViuTV女團COLLAR的成員有哪幾位?
ViuTV女團COLLAR的8位成員有全民造星4冠、亞、季軍Marf（邱彥筒）、Gao（沈貞巧）及Day（許軼）及…詳情請看。
《全民造星4》今屆女團經理人阿Wing是誰？
節目監製花姐經常在節目中搶晒風頭，但到今屆曾表示要「退下火線」，力捧新女團經理人Wing戴穎上位，被稱為「新花姐」。而其實這位「新花姐」來頭唔小，而且同MIRROR亦好有淵源！詳見：經理人阿Wing戴穎起底
