光頭幫TFK|肥仔退團 福正與成員互揭瘡疤 玩大踢爆指成員曾召妓
光頭幫|肥仔千字文宣布退出:怒揭肥娃似足恐怖情人
TFK的肥仔昨日(9月4日)突然IG千字文宣傳佢會退出TFK,其原因係同成員福正出現咗問題。肥仔先指出同福正由中學時已認識,係佢最好的朋友,後來再認識埋阿奇,3人一齊玩一齊做嘢,成立TFK,後來去到疫情時開始出現變化,肥仔開始暗示福正的KOL女朋友肥蛙恐怖女友行為,疑牽制福正TFK 3宗罪!
![光頭幫 tfk TFK的肥仔昨日9月4日)突然IG千字文宣傳佢會退出TFK,其原因係同成員福正出現咗問題](https://imgs.weekendhk.com/wp-content/uploads/2023/09/278995818_429206512348510_7149443764030264790_n_201308796864f6c25f110e0-819x1024.jpg)
光頭幫|福正同KOL肥蛙拍拖 第一宗罪:開始意見多多
首先,疫情開始時,令3人感迷惘失方向,福正當時與KOL肥蛙拍拖,肥仔指肥蛙俾咗好多意見同想法佢哋,雖然好感激,不過肥仔就指出肥蛙自身的成功同佢哋的成功一定有出入,唔可以將肥蛙嗰套全套複製,但肥仔表示:「但係我尊重,因為福正除左係tfk之外,都係一個男朋友,我明白點解要提出呢d方向,所以我同阿奇一樣,選擇左迴避同沉默,唔講傷害左大家關係既說話。我好感激你地既付出,我同阿奇因為個人感受拒絕,其實我地都好慚愧,要你拉住我地行咁,對唔住」。
光頭幫|第二宗罪:肥仔指福正覺得越黎越多人加入會分薄左利潤
肥仔續說時間耐咗,核心思想唔同咗,以前成班人周圍做嘢演出好開心,可以行得更遠,「後來福正覺得越黎越多人加入我地係壞事,會分薄左利潤,但我最享受既係一班人一齊玩一齊做野,而且我相信我地一班人力量大咁多,可以做到既野亦都唔係我地三個自己可以做到既,反而有機會可以令我地行得更遠」。
2023年頭去咗日本玩,肥仔以為可以藉此修補關係,將大家收埋喺心底的說話攞晒出嚟講,點知返到香港即打回原形,令肥仔深受打擊。繼而演唱會出現成員提出退團、漠視成員意見、做到無覺好瞓等問題。
![光頭幫 TFK去年開騷](https://imgs.nmplus.hk/wp-content/uploads/2023/09/-2023-09-05-12.09.57_104716760564f6aa6c6aefd.jpg)
光頭幫|第三宗罪:監視其群組及其他對話 見面要錄音
肥仔指出最令佢認為唔可以再落去的最大誘因,係因為佢哋發現「有自己人」一直容許女朋友登入佢嘅WhatsApp,一直監視佢哋群組以及其他對話,而佢哋全然不知,感覺被嚴重侵犯私隱,其後因為呢件事,大家無再溝通。不過最誇張嘅係,肥仔指出就算當面見面溝通,竟然要錄影或者錄音,令肥仔嬲到俾唔到反應,亦反思自己係咪真係對福正咁差先會搞成咁。
最後肥仔表示TFK無辦法再行落去令佢非常心痛,已經收埋咗自己一段時間,向大家道歉,希望大家體諒。
![光頭幫 tfk 光頭幫](https://imgs.nmplus.hk/wp-content/uploads/2023/09/-2023-09-05-12.09.50_209892937364f6aa6bae9d9.jpg)
原文如下:
光頭幫|福正護航回應 唔關女朋友事大爆嫖妓事件
福正其後亦有以千字文回應肥仔的控訴,千字文回應第一句就表示而家呢刻覺得最對唔住就係佢女朋友肥蛙,「去到呢刻我最對唔住嘅係我女朋友,因為呢刻都係保護緊我、肥仔、奇三個,無將我地「叫X」既事公開講出來。即使我女朋友已經原諒左我地,但依家所有網絡攻擊反而只係攻擊佢,佢咩都無做,但佢承受嘅係最多。難道我地(哋)咁大個人想屈一個女人?
其後直言完全唔關佢女朋友肥蛙事,肥蛙完全唔會干涉佢係TFK所有的決定,仲唔會迫佢俾任何對話佢睇,回應「whatsapp事件」只係因為佢無喺女朋友電腦登出,唔應該怪肥蛙,只可以怪佢自己。
光頭幫|錄音只係保障自己不斷約成員溝通但無用
錄音事件方面,斥肥仔無將事實的全部講晒出嚟,福正指當時因人威脅佢,同佢講要將呢件事好好處理,所以為咗保障返自己先錄音,而無錄影。其後佢指過去呢半年,不斷以唔同方式約成員溝通、接job、未來發展等,但換嚟的都係「已讀不回」。
![光頭幫 tfk 光頭幫](https://imgs.nmplus.hk/wp-content/uploads/2023/09/-2023-09-05-12.20.18_49627489364f6aca7b74b0.jpg)
光頭幫|最想令TFK有主導權「分薄利潤」只為保障3人利益
福正表示佢最想改變TFK只係想佢哋可以有主導權,而唔係要人批准先可以做作品,同埋有關「分薄利潤」方面,佢只係想公平公道,保障佢哋3個人的利益,為咗維持營運,不過最後佢都表示係可以接受多於3個人,但亦無補於事。
福正最後表示最大感受就係自己被排擠,受侮辱,認為搞到今時今日最大原因唔係佢女朋友,而係拒絕溝通。
![光頭幫 TFK唔少歌曲都係一大班人,其中為人熟悉的《TFK PARTY》](https://imgs.nmplus.hk/wp-content/uploads/2023/09/-2023-09-05-12.17.34_6322038864f6ac0107a95.jpg)
光頭幫|福正曾於8月尾交代TFK動向
TFK暫停更新後,福正8月尾於社交媒體交代動向,表示完show後3人無達到共識,需要停落嚟休息吓,而佢一直等緊團隊的溝通,同回覆,但一直未有回應。
全文如下:
光頭幫|網民力撐肥仔:用攬炒嚟隊班曾經嘅兄弟
網民普遍對於福正的回應都唔收貨,更質疑福正的千字文唔係福正自己打「勁x醒 先用「call g」去標籤曬所有人先 然後再講到自己幾無辜 最後就屈曬肥仔全部人唔肯溝通但明明係「福正」自己打篇文地圖炮x人先,不過呢篇寫得幾好 終於寫返啱個「既」字 等人以為係福正自己打」、「打慣咗「嘅」字但又要扮係福正打「既」又真係好難嘅蛙姐 下次睇多幾次先出post啦」、「你話點咪點囉蛙姐」、「用攬炒嚟隊班曾經嘅兄弟」、「真係忽x咗,冇咗何圖東城一丁做歌同mv你地紅x到咩 仲好意思嫌人哋分你錢」、「攬炒真係好x核突 越爆越多嘢 撕破面皮就係你想要既結果?食相差到」、「咩叫咁樣屈一個女人?唔通男人就可以屈?」、「好肉酸 要拎call g 呢單嘢出嚟「保護」女朋友」、「到底初心去咗邊」。
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!