七月返歸︱AK澄清MIRROR不出席頒獎典禮傳言:點會問Frankie㗎?
AK澄清MIRROR不出席頒獎典禮傳言:點會問Frankie㗎?
對於有指MIRROR將會缺席2023年尾及2024年初所有頒獎禮一事,身為MIRROR副隊長的AK昨日出席活動時回應指:「大家嗰陣時太過魯莽,應該問個膊頭有花,問副隊長㗎嘛呢啲嘢,點會問Frankie㗎?我哋係好想出席頒獎禮,公司宜家協商緊個行程點做,因為我哋嗰陣時應該要排演唱會,但係宜家就仲係度緊個期,睇吓點樣排到演唱會又可以去到頒獎禮。」AK指頒獎典禮是每年一年一度的樂壇盛事,自己亦很想出席頒獎典禮與其他歌手交流切磋。
![七月返歸 ak AK AK在《七月返歸》首映禮中澄清頒獎禮出席與否仍有待公司安排。](https://imgs.orientalsunday.hk/wp-content/uploads/2023/08/photo_6298684924336650777_y_61095784264ed1f689a089.jpeg)
AK回應肥仔被捲欠債風波 笑言:我自己都未搞得掂
近日MIRROR成員有份投資的餐廳都相繼結業,AK與哥哥合資的甜品店「雪月花」和與Jer@MIRROR及肥仔@ERROR合資的日式串燒店「影の鳥」早前亦同樣突然宣佈結業。AK回應指對餐廳結業沒有太感失望,現時仍有經營拉麵店及個人品牌,其他事宜則交由哥哥處理。至於隊友和肥仔被捲欠債風波一事,AK就回應表示:「我知啲,但我又唔係知得好深入,所以我費事答咁多。(咁你擔唔擔心肥仔啊?)我擔心咗我自己先啦,我自己都未搞得掂,點擔心到人啫。」
![七月返歸 ak AK AK指對於有份合資的甜品鋪和日式串燒店結業一事未有感到太失望。](https://imgs.orientalsunday.hk/wp-content/uploads/2023/08/photo_6298684924336650774_y_182187727264ed1f697ad7d.jpeg)
「老闆仔」黃梓樂投訴「阿哥」姜濤唔覆機
同場亦有在電影中擔任AK童年的「老闆仔」黃梓樂,他表示很開心能夠與AK合作,又笑指AK是MIRROR成員中對自己最好。當被問到為何覺得AK哥哥最好,黃梓樂指:「對比起姜濤哥哥,AK哥哥好好多!姜濤哥哥成日唔覆我機㗎!」聽到梓樂如此震撼的回應,AK亦馬上打圓場:「你要知道姜濤哥哥都成日唔覆我機嘅!係好正常嘅!」
![七月返歸 ak AK 「老闆仔」黃梓樂右)在首映禮中投訴姜濤唔覆機。](https://imgs.orientalsunday.hk/wp-content/uploads/2023/08/photo_6298684924336650779_y_122723742164ed1f67b3293.jpeg)
一齊睇AK、「老闆仔」黃梓樂足本訪問:
Frankie承認缺席頒獎禮準備演唱會排練
Frankie(陳瑞輝)上周四(24日)出席公開活動時,對於MIRROR年尾缺席頒獎禮一事作回應,他承認自己有收到公司通知,但不知道其餘有份SOLO的MIRROR隊友會否缺席頒獎禮。Frankie表示非常想出席頒獎禮的盛事,但可惜每年演唱會排練都非常趕急,而且每次完騷後都覺得本應可以更熟練,所以對於公司今次的決定以示尊重。他續稱,尤其今次是補場,所以覺得應該要作更多準備交出good show。至於今次演唱會的保險會否加大,Frankie則表示不清楚。
傳MIRROR缺席頒獎禮 Edan:冇話唔去嘅
對於有指MIRROR將會缺席2023年尾及2024年初所有頒獎禮一事,成員Frankie早前出席活動時曾經表示,有收到公司通知要為下年演唱會作100%準備,但不知道其餘有份SOLO的MIRROR隊友會否缺席頒獎禮。Edan於27日尾場演唱會完結後接受傳媒訪問時回應事件,卻有另一個說法:「以我所知,冇話唔去嘅,因為公司話嚟緊有演唱會,所以lock咗期唔可以接工作,但樂壇盛事,有得參與當然要參與,公司都會安排,但我都係等通知。」
叱咤903節目副總監未收到通知
當奴作為叱咤903節目副總監,他於上周六(26日)出席電台活動時被問及MIRROR年底將缺席頒獎典禮一事,表示尚未收到任何通知。他稱距離叱咤頒獎禮還有4個多月,現時只是籌備主題方向的階段,還有很多變數,亦要等有關方面去通知確定MIRROR會不會出席。當奴又稱,不論MIRROR會否出席,都不會影響得獎結果。
![七月返歸 ak AK edan mirror 當奴亦有去Edan演唱會。](https://imgs.orientalsunday.hk/wp-content/uploads/2023/08/photo_6296532716224625648_y_61766977064ec23c7d05b5.jpeg)
傳MIRROR缺席音樂頒獎禮2大原因
由於缺席頒獎禮,隨時影響鏡仔獲獎機會,不少粉絲大為緊張,尤其鏡仔獨立發展每每需要年度頒獎禮的「加持」和認同,但據了解,MIRROR及其管理團隊已向電台發出「不會出席頒獎禮」通知,有指背後2大原因是因為明年初MIRROR將要籌備2022年紅館演唱會的「補場」、另有多個「搵真銀」的跨年甚至海外商業演出,加上還有2位成員要準備個人單飛演唱會,故此為求公平劃一全團缺席頒獎禮。
![七月返歸 ak AK edan mirror mirror 缺席 mirror 演唱會 音樂頒獎禮 plt 叱咤樂壇 頒獎典禮](https://imgs.orientalsunday.hk/wp-content/uploads/2023/01/323062683_883623069619930_3147047396330503449_n_146815937263b1d7afeb3c4-1024x683.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!