ViuTV女神Alice許寶恆學打後空翻 疑被胸襲兼險走光 惹網民罵戰

Alice許寶恆打後空翻疑被鹹豬手

Alice在《MM730 – 男女自然觀察學會》最新一集挑戰玩後空翻，一開始因為有綁腰帶，所以都輕輕鬆鬆完成高難度動作。但到解開腰帶之後就開始有點危險，身旁兩位教練都有出手幫忙，不過就似乎「出錯手」。其中右邊的教練就手扯住Alice的運動褲，差點令Alice露底走光；另一位教練就於Alice落地時掂到Alice胸部，隨即引起網民熱議。

Alice許寶恆一度成塊面撞落地 痛到即場落淚

除了被教練疑似連環鹹豬手之外，在進行第二次後空翻時，Alice不慎正面落地，睇到一班嘉賓都嚇一跳。雖然Alice連聲指自己無事，但最後依然忍不住落淚，又指幸好自己並沒有整容，鼻子不會因此而變形。

網民留言狠批：擺明特登啦！

網民見到女神Alice疑似連環被非禮，當然即刻在討論區發文聲討片中教練，質疑兩位教練係特登抽水：「擺明特登，就算扶都係捉手喇，點會咁扶」、「好明顯特登入中路再掃出黎」、「嗰兩個人識唔識教人，左邊嗰個其實可以做哂，右邊扯褲仲離譜」；但亦有網民認為教練只是一時不小心：「果個動作唔係咁易精準捉到手，伸入啲可以更確實保護到條女」、「算有良心啦，掂一掂即刻縮手」等。

一齊睇片：

Alice許寶恆曾參加《全民造星4》被指主動追求Jer@MIRROR

今年23歲的許寶恆(Alice)，憑參加《全民造星4》成功入行，在拍攝《全民造星4》時被花姐直指似朱茵。由於勝在靚女加上有活力，Alice表演時甚得評判歡心，成功打入25強。不過最為人知的一定係Alice與MIRROR成員Jer的緋聞。當時有報道指Jer因擔任《造星4》25強導師時而結識了當時22歲的Alice，雖然Alice已經有男朋友，但仍主動向偶像Jer展開追求攻勢，同Jer交換電話號碼後，經常私下聯絡，而Jer亦沒有避忌。但後來東窗事發，Jer的正印女友Kelly發現此事，即嬲到嗌分手。報道更指，Alice跟身邊人說Jer想和女友分手，自己又想跟男友分手，二人在這個時間相遇是一種緣份。