全民造星4｜VAL趙展彤飲恨冇得入COLLAR 拍片期望有奇蹟發生

文：東方新地 ｜圖：ViuTv@《全民造星4》截圖、IG@valentina_cct、YouTube@趙展彤VAL

VAL 屢敗屢戰

24歲的VAL趙展彤，自小就全力追尋歌星夢，去年參加ViuTV的《全民造星4》，雖然被多年好友兼導師許廷鏗大讚「唱歌似播帶」，不過她在總決賽只獲評審3分和民選11分，排名第15落敗。

COLLAR出道日拍片抒發感受

VAL參賽期間有一班鐵粉支持，網民在討論區發起支持VAL的拉票，明言如果VAL票數足夠入三甲便派發每人100蚊，就算豪使10萬元亦在所不計，不過VAL得不到評審欣賞，民選爆晒票都冇用，入唔到三甲的VAL最後亦得不到ViuTV的垂青，冇緣入COLLAR亦冇份簽ViuTV。就在COLLAR成團當晚，VAL在YouTube個人頻道，指片抒發感受。

自知條件唔係女團適合人選

片中VAL直言感到不開心：「最初知道自己唔入女團，當然係有啲唔開心，同埋都諗咗好耐，究竟點解唔揀我呢？其實都沉澱咗好幾日，我明白自己未必係一個最佳嘅女團人選，可能不論我外貌、形象，又或者係我嘅曲風？又或者成個整體感覺未必係一個最適合嘅女團人選，但其實我都睇化咗，最後我都相信會有更好嘅事情發生。」

支持者劇增

Val坦言入唔到女團令她有更多靈感去創作，並且一定會繼續堅持以個人發展去做音樂，她知道這條路未必好順暢，但她不會放棄。其中令VAL感到鼓舞的就是支持者增加，她說：「我個TG group依家有2千幾人，最初得幾百人，比賽完結後我得3分都有好多新嘅同學仔加入，我覺得呢個對我嚟講係一個奇蹟，我相信有一次奇蹟發生喺我身上，都會有第二次囉！」講到未來大計，VAL會推出新歌和拍MV、同時會在YouTube及Patreon拍片。

有不少反對聲音

雖然VAL獲不少網民支持，但亦有不少反對聲音，日前VAL在IG貼出與亞視阿儀(薛影儀)的合照，留言︰「今日做嘢撞到阿儀，留意咗佢好耐……」不少網民留言冷嘲熱諷。

去片！VAL拍片講冇得入女團感受

粉絲撐VAL派每人100蚊

在《全民造星4》總決賽前，有不少網民在討論區大談自己的三甲心水人選，包括Marf（邱彦筒）、蘇芷晴（So Ching）、許軼（Day）、沈貞巧（Gao）等等。不過84號趙展彤（VAL）在網上忽然人氣急升，原來有粉絲發起支持VAL老師行動落力拉票，更在討論區明言如果趙展彤最終能進入三甲，會派發每人100蚊谷票，即使要豪使10萬亦在所不計！之後大班網民即時一呼百應紛紛留言支持，不過卻表明與金錢無關：「支持，但唔駛派畀我」、「我唔要錢，只要Val B入到女團」、「已投，但唔關你啲錢事」等等。

粉絲插ViuTV「大細超」

亦有網民留言為趙展彤抱不平，指ViuTV「大細超」，偏袒其他參賽者，令她出鏡率偏低，又埋沒她的創作才華，隻字不提她寫的原創歌曲，只宣揚她「黑面」同「靠關係」等做新聞，替她十分不值。