29歲Tyson Yoshi被認錯係44歲吳卓羲 公審偷拍者竟惹網民圍插
Tyson Yoshi怒斥偷拍者:要影咪直接講囉
Tyson Yoshi日前先在IG出了一個黑底白字的限時動態,表示:「要影咪直接講囉,又要喺度偷拍,明顯到。」之後他再上載了一張照片,以黑底文字遮著對方雙眼,並寫上:「冇錯,畀人偷影係唔好受,你明啦依家?」明顯指對方正是偷拍者。
![Tyson Tyson Yoshi怒斥偷拍者。](https://imgs.orientalsunday.hk/wp-content/uploads/2024/01/03_1413760120659f7a920e5cd.jpg)
網民今次唔撐Tyson Yoshi:影相都要放上網公審?
不過網民今次都唔撐Tyson Yoshi反影偷拍者的行為,紛紛狠批:「人哋係咪偷影佢就未知,佢就真係偷影人啦」、「可能zoom最遠影後面啲嘢唔係影佢,不過就算影佢咁又點?」、「公眾地方畀人影相都要怨婦mode」、「小氣到」、「影相都要放上網公審?」、「上次喺gym房俾人影都X得啱,今次喺街畀人影都唔得?」等等。
![Tyson Tyson Yoshi反影偷拍者,但卻惹來網民狠批。](https://imgs.orientalsunday.hk/wp-content/uploads/2024/01/04_1123965120659f7b9a7c6cc.jpg)
內地網民唔識Tyson Yoshi 認錯係吳卓羲
此外原來唔只一位網民偷拍Tyson Yoshi,有一位內地網民日前在小紅書公開了幾張Tyson Yoshi相片,但他表示不知道這位明星是誰,問大家:「在香港去坐地鐵,好多人排隊進這個服裝店,這是誰啊?」引來眾多網民爭相報出吳卓羲和MC張天賦的名字:「圖一以為唔唱K」、「未點入來前小圖以為是唔唱K」、「低頭以為阿Ron」、「第一眼唔唱K,第二眼:mc,第三眼:吳卓羲版張天賦,看評論區Tyson」、「泰森卓羲」等。
![偷拍 Tyson 內地網民不知道Tyson Yoshi是誰。](https://imgs.orientalsunday.hk/wp-content/uploads/2024/01/06_997541683659f7e4f26368.jpg)
重提Tyson Yoshi被的士司機認錯係MC張天賦
亦有網民好奇點解咁多人話Tyson Yoshi係MC張天賦,問大家「認真定講笑」?網民就重提Tyson Yoshi曾自爆被的士司機認錯係MC張天賦事件:「因為之前Tyson坐的士俾司機認錯以為係MC,然後MC同佢一起出活動發po影Tyson嘅相話自己見到張天賦啦!所以依家個個都話Tyson係張天賦哈哈哈哈哈!」
![偷拍 Tyson Tyson表示當時情況真係尷尬到極點,最後佢都有同返個司機講其實佢唔係mc,雖然都有人話過佢2個好似樣。](https://imgs.orientalsunday.hk/wp-content/uploads/2024/01/02_2125009762659f79d34959b.jpg)
![偷拍 Tyson 事後Tyson同MC剛好同場工作,2人不但無尷尬,互動仲超爆笑!2人不斷叫對方做自己個名,表示希望同對方合照「呢個咪tyson!」「張天賦?」「我可唔可以同你影張相,你唔介意架可?」](https://imgs.orientalsunday.hk/wp-content/uploads/2024/01/08_130350384659f7ed40cfbc.jpg)
Tyson Yoshi曾在Gym Room換衫被偷拍
原來前年8月,Tyson Yoshi亦曾在Gym Room的更衣室換衫時被人偷拍,他當時於社交網上載被偷拍照片,爆粗狂鬧,並要求涉事的健身室處理事件。當日有網民指作為公眾人物就預計會有人偷影,於是Tyson Yoshi再發佈限時動態反擊:「唔好同我講咩食得鹹魚抵得渴,出名就有人影,出面影都算,嗰度係更衣室,仲要周圍send。」
![Tyson Yoshi在IG Story上載他在更衣室被偷拍的照片,爆粗鬧爆偷拍者。](https://imgs.orientalsunday.hk/wp-content/uploads/2022/08/tz6-bf_sqnzweffyqylagz6id_etosfqndmm7tqzdo0_199944415363030f27246a6-575x1024.jpg)
Tyson Yoshi 歡迎Fans邀合照勿偷影
其實Tyson Yoshi在健身中心內都曾被Fans邀合照,他亦都再轉發一張fans上載的合照,並表示:「其實有禮貌咁樣問影相係絕對冇問題,我都係OK。」而該健身室亦立即回應事件,指得知有人未經許可情況下於健身室拍照,強調不論在更衣室抑或健身區域,都不能擅自拍照,否則已違反規定,一經發現會即時停止其使用權。
![偷拍 Tyson Yoshi轉發一張fans上載的合照,並表示:「其實有禮貌咁樣問影相係絕對冇問題,我都係OK。」](https://imgs.orientalsunday.hk/wp-content/uploads/2022/08/2022082118020537576-2_36209664863030fda85a33.png)
女友Christy曾被偷拍 Tyson Yoshi怒斥「死變態」
睇番去年4月,Tyson Yoshi曾在IG公開爆粗鬧兩名偷拍女友Christy的男子「死變態」,並報警求助,警方在對方手機上搵到4張Christy全身和下半身的偷拍照,但因並非私密部位,所以不足以構成「窺淫罪」,只能以港鐵附例「滋擾乘客」對偷拍者作出警告。
![Tyson Tyson Yoshi曾因女友被偷拍而報警求助,並鬧爆兩名偷拍男子是「死變態」。](https://imgs.orientalsunday.hk/wp-content/uploads/2024/01/05_466272347659f7be7c28f0.jpg)
網民當時大讚Tyson Yoshi護花Man爆
當時有不少網民都大讚Tyson Yoshi出手護花Man爆︰「好英勇呀」、「有眼不識Tyson(泰山)」、「Tyson Yoshi係真男人!抵讚」,亦有網民留言問他:「原來平時見到你唔可以影你㗎?」Tyson Yoshi當時曾回覆:「佢係偷影her ass(她的屁股)。」
![偷拍 Tyson Yoshi Tyson Yoshi的女友Christy早前被網民攻擊,被指外表一般兼夾以「靚版馬蹄露」去形容,Christy完全唔在意,但出名敢言的Tyson Yoshi就嬲爆護花。](https://imgs.orientalsunday.hk/wp-content/uploads/2022/01/tysonyoshi_211480959_1513954565602413_3253993470401211170_n_1048614569624190490bbec-1024x1024.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!