31歲TVB小花深夜性感出擊 香汗淋漓玩自拍裝束極誘惑
TVB小花葉蒨文玩夜跑 拉低衫領狂喘氣
葉蒨文(Sophie)連夜跑都不忘騷事業線,日前她趁住早收工,忽然興起首次挑戰跑將藍大橋,仲自拍短片同影相開心Share,片中見到她跑完步後不但氣來氣喘,更熱到將衫領拉低,展現出香汗淋漓的飽滿上圍,事業線更若隱若現,非常性感!她在配文中寫上:
諗住夜晚放咗工去gym
點知早咗放工🤓
天氣唔太凍又唔太熱
於是我決定同太陽伯伯一齊跑將藍大橋
伯伯年紀大都跑得快過我
跑完已經天黑了~~👋🏻☀️👴🏻#runrunrun
#日落黃昏
#第一次跑將藍大橋
#workout
#hkig
葉蒨文拒認「跑步女神」 網民擔心好危險
有不少網民都留言大讚葉蒨文:「好靚啊」、「sexy」、「有啲汗水好性感」等,更有網民封葉蒨文做「跑步女神」,不過她就否認話:「我唔係㗎,我琴日無啦啦想跑㗎咋!」亦有網民擔心她一個女仔夜晚好危險,叮囑她要小心,她亦有細心解釋:「其實都有好多人喺嗰度跑㗎!放狗又有。」
![TVB小花 葉蒨文跑完步後似乎因為太熱拉低咗衫領,脹卜卜上圍加上淡妝面容,中被指撞樣新晉咪神郭珮文。](https://imgs.orientalsunday.hk/wp-content/uploads/2024/01/05_939103299659e6ef227c67.jpg)
《妳不是她》葉蒨文突破演繹低EQ港女成網民新寵
雖然拍劇經驗只有六至七年,但葉蒨文接觸過的角色相當多元,今次在《妳不是她》飾演「低EQ港女」Fiona,除了發爛渣時火氣十足,向阿信眉目傳情時亦是電力十足,獲網民勁讚演技外表都十分到位。談到角色,Sophie 坦言難度在於與真實的自己相差很遠:「我對角色嘅理解係 Fiona 係一個情商有啲低嘅女人,單純、直接、冇咩智慧,只要鍾意就不顧一切咁向前衝,我當自己係一個發爛渣嘅小朋友咁演。」
![TVB小花 妳不是她 葉蒨文 床照 plt 妳不是她 葉蒨文 呢一幕似乎影射吳卓羲前度 張馨予拍攝的床照,角度十足十。](https://imgs.sundaykiss.com/wp-content/uploads/2024/01/42_2957243386598e12e64be4.jpg)
大方分享美臀心得:行好每一步路
談到身形獲讚,Sophie 第一時間多謝媽咪,並續說:「我小學時係田徑隊,中學時係中國舞校隊,可能因為由細到大都有唔同嘅訓練,所以就為身體打好咗個根基。依家雖然冇以前咁高運動量,但都會 keep 住盡量唔好走樣,我覺得拉筋對男女性都非常之好,同埋要行好每一步路,因為用啱力行每一步路個臀部會挺身啲。因為骨盆前傾會令到有小肚腩同埋臀部下塌,呢啲都可以靠拉筋同正確發力去調整番。」
![TVB小花 妳不是她 葉蒨文 床照 plt 妳不是她 葉蒨文](https://imgs.sundaykiss.com/wp-content/uploads/2024/01/sophieysm_404628905_18393950413058691_7385295813464574541_n_15053147286598f743a966c.jpg)
《隱形戰隊》被綁一幕曬靚腿 多次被指撞樣楊卓娜
今年初葉蒨文於《隱形戰隊》飾演被綁架的天真善良千金小姐。該幕葉蒨文被人用膠紙封口,不斷掙扎非常可憐,睇到觀眾們又肉緊又心痛。不少網民都表示被人用膠紙封口的葉蒨文同楊卓娜有90%相似,就連楊卓娜都在監製文偉鴻IG下留言表示一度誤以為劇中人係自己。
![TVB小花 愛回家 candy 葉蒨文 plt 愛回家 candy 葉蒨文 有網民話呢個角度同楊卓娜撞樣。](https://imgs.orientalsunday.hk/wp-content/uploads/2023/03/22_19748029036412a52765be0-1024x576.jpeg)
曾變身進擊的女僕 勾引張國強
現年31歲的葉蒨文於2016年參加港姐入行,近年在《超能使者》、《鐵拳英雄》、《使徒行者3》等劇中,都不乏性感演出。早前在《有種好男人》中,更扮演「進擊的」售貨員區嘉妮Jennifer,姣精上身不斷諗計色誘超級鹹濕富豪蔣定天(張國強飾),之後又向張國強傳「女僕Look」自拍照,成功引走張國強。
![TVB小花 愛回家 有種好男人 葉蒨文 葉蒨文在張國強耳邊調情,姣功盡出。](https://imgs.orientalsunday.hk/wp-content/uploads/2022/12/15-2_200840195663abd73019b48-1024x576.jpg)
最愛風趣幽默暖男
演過不少「小三」及「姣精」角色的葉蒨文,笑言如遇到有好感的男仔,會發放「Signal」吸引對方主動出擊:「我唔會主動約鍾意嘅人,但通常會成功令對方主動約我。」問到現實中可有像劇中角色般恨嫁入豪門?她就透露無論於英國留學期間,抑或現時身邊都不乏富二代及有米男士,但她認為品格更重要,並謂自己揀另一半著重性格夾唔夾,最喜歡風趣幽默的暖男。
![TVB小花 愛回家 劉穎鏇 傅嘉莉 有種好男人 葉蒨文 葉蒨文 超能使者 超能使者 葉蒨文在《超能使者》飾演模特兒Icy。](https://imgs.orientalsunday.hk/wp-content/uploads/2022/11/13_1202799160637271cfa6e46-1024x576.jpg)
以「著鞋論」喻愛情
葉蒨文2016年成為落選港姐後加入TVB,並入讀為期3個月的演藝進修班,2021年初改簽經理人合約做「親生女」,即獲得不少演出機會,同年底更獲提名競逐《萬千星輝頒獎典禮2021》「飛躍進步女藝員」獎。她曾以「著鞋論」比喻愛情:「有錢係Bonus,但首先要快樂,為錢勉強自己唔會快樂。我覺得揀伴侶同揀鞋一樣,適合舒服係最好,好似我屋企最貴嗰對高踭鞋我好少攞出嚟著,我都係最鍾意著波鞋。」
![TVB小花 愛回家 有種好男人 葉蒨文 超能使者 葉蒨文 29歲的葉蒨文曾於2016年參選港姐但最後落選。](https://imgs.orientalsunday.hk/wp-content/uploads/2022/04/9_1361650983624bc00cbe287.jpg)
原來係陳奕迅師妹
葉蒨文中學畢業於香港傳統名校嘉諾撒聖心書院,與賭王何鴻燊三房千金何超蓮為校友,中學時期已為校隊舞蹈員,獲北京舞蹈學院頒發中國舞12級資格。其後遠赴英國入讀名牌大學Kingston University,修讀服裝設計系學士學位,陳奕迅也是在該校畢業。即使名校出身、擁有學霸名銜,從小對演藝充滿熱誠的葉蒨文,放棄高薪毅然加入娛樂圈。
![TVB小花 愛回家 有種好男人 葉蒨文 葉蒨文 超能使者 畢業於Kingston大學,是陳奕迅師妹。](https://imgs.orientalsunday.hk/wp-content/uploads/2022/11/01_18368342646372fb6651ff7-1024x783.jpeg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!