亞洲超星團︱TVB新男團招募5大條件比《造星》更嚴格曾志偉豪言講呢啲！

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Jul 12 2023

曾志偉曾於五月底宣布將會與內地《中國好聲音》團隊合作，舉辦男團選秀節目《亞洲超星團》。近日《亞洲超星團》就正式進行香港站的招募工作，更指明參賽者要符合5大條件，比ViuTV人氣選秀節目《全民造星》更加嚴格！

TVB新男團選秀節目力撼《造星》參賽者要符合5大條件

TVB新男團選秀節目《亞洲超星團》將會與內地《中國好聲音》、《中國達人秀》製作團隊合辦，並且會在韓國、日本、香港、台灣和國內等地修羅有潛質的年輕人。日前香港地區招募工作正式開始，參賽者必須符合以下五大條件：香港男性居民身份、年齡介乎16至25歲、唱得、跳得、Rap得，比ViuTV《全民造星》更加嚴格。

tvb viutv 亞洲超星團 TVB新男團選秀節目《亞洲超星團》香港站招募正式開始。 — TVB新男團選秀節目《亞洲超星團》香港站招募正式開始。（圖片來源：TVB）

tvb viutv 亞洲超星團參賽者要符合5大條件，包括必須有香港男性居民身份、年齡介乎16至25歲、唱得、跳得、Rap — 參賽者要符合5大條件，包括必須有香港男性居民身份、年齡介乎16至25歲、唱得、跳得、Rap（圖片來源：TVB）

tvb viutv 亞洲超星團近日《全民造星V》人氣高企，唔知今次TVB新男團選秀節目能夠成功打贏ViuTV呢。 — 近日《全民造星V》人氣高企，唔知今次TVB新男團選秀節目能夠成功打贏ViuTV呢。（圖片來源：FB@ViuTV）

《全民造星》冇年齡限制標榜要有熱誠

相反《全民造星》嘅參賽資格就簡單得多，不但冇年齡限制，又冇話指定要有咩才藝先可以報名。每次《全民造星》展開公開招募，都主要標榜只要求參賽者「有熱誠、有夢想」，無論幾多歲都可以參加節目。不過就因為《全民造星4》選女團當時都沒有年齡限制，連39歲Ling同35歲芯駖都可以參加，一度惹來網民的質疑。

tvb viutv 亞洲超星團全民造星向來冇太嚴格嘅參賽條件。 — 全民造星向來冇太嚴格嘅參賽條件。（圖片來源：ViuTV）

tvb viutv 亞洲超星團芯駖@COLLAR參賽當時35歲，直情可以參加TVB《中年好聲音》。 — 芯駖@COLLAR參賽當時35歲，直情可以參加TVB《中年好聲音》。（圖片來源：IG@lisumlingg）

宣傳口號疑似抄《全民造星V》

TVB《亞洲超星團》宣傳口號為「號召全球閃耀新星！創建全新世一男團！」，同ViuTV《全民造星V》嘅「集結三地參賽者，育成世一男偶像！」非常相似，睇嚟兩台都對「世一男團」嘅稱號都非常執著。

tvb viutv 亞洲超星團今年ViuTV《全民造星V》首次接受海外參賽者，誓邀打造「世一男偶像」。 — 今年ViuTV《全民造星V》首次接受海外參賽者，誓邀打造「世一男偶像」。（圖片來源：ViuTV）

曾志偉曾寸爆指MIRROR唔係對手

今次TVB推出男團選秀節目，令唔少人都聯想到捧紅MIRROR、ERROR和MC張天賦等多位歌手嘅ViuTV《全民造星》。當曾志偉被問到《亞洲超星團》是否用嚟對抗MIRROR嘅時候，曾志偉就回應指：「唔係，我哋亞洲地區嘛」，網民都認為曾志偉嘅回應非常帶骨，仲話曾志偉似係想暗示「MIRROR紅不過羅湖」添。

tvb viutv 曾志偉唔少網民都認為今次《亞洲超星團》係為咗對抗MIRROR，不過曾志偉就否認傳聞。 — 唔少網民都認為今次《亞洲超星團》係為咗對抗MIRROR，不過曾志偉就否認傳聞。（圖片來源：[email protected]）

網民反應一面倒唔睇好：咪有隊Super Tiger囉

其實TVB已經唔係第一次推出男團，之前為了為了食住因《全民造星》而誕生的MIRROR、ERROR等男團、女團的熱潮，TVB繼去年推出女團After Class後，再臨時組成一個10人限定男團Super Tiger，後來突然嚟一個大地震式重組，將企開C位開羅天宇踢走。今次仲話推出新男團，令網民都一面倒表示唔睇好。