《白色強人》今晚首播 盤點TVB醫療劇7大特色 網民：「一定有角色係做神經外科！」

編輯：Evita｜圖片：電視截圖、TVB | 原文：新Monday

《白色強人》點解TVB醫療劇一定係神經外科？

是次《白色強人》十分有話題性，首先郭晉安再次做奸角，演出副院長兼腦神經外科主管醫生楊逸滔，從預告中看到他谷起樣子扮奸的樣子就想起了《與敵同行》的唐立言，十分惹笑。

另外另一男主角馬國明早從因女友黃心穎的事件弄得滿成風雨，一眾網民都替他不值，這次《白色強人》一定會為馬國明帶來更多的關注。

不過這一套講述醫療改革的劇集未播出已經有網民吐糟，指為什麼TVB的醫生劇中永遠都是神經外科？遠至《妙手仁心》的程至美，之後到《On Call 36小時》的一件頭，到《白色強人》郭晉安演出的副院長。有網民就笑答「因為啲嘢好深，講錯咗你都唔會知！」

綜合網民留言，其實可以得出TVB醫生劇7大特色！

1. 一定有一名神經外科醫生，講好多你聽唔明嘅字

2. 劇中會有人開腦、中風、失憶

3. 醫生及護士群中必定有三角戀，更會超多時間交代

4. 手術戲每次都只有1-2分鐘，其他時間去canteen飲咖啡

5. 結局一定會幫自己女朋友做手術

6. 主角想解釋時會剛好遇上有緊急手術

7. 總有一個唔信任醫生嘅病人去睇醫生

除了醫生劇外，TVB警匪片也十分有特色！

TVB警匪片10大特色：

1. 交收地點經水路多為龍鼓灘，而龍鼓灘必為流料地點

《鐵探》第2集入面，秉高(姜皓文飾)、大威等人接到山狗(林偉飾)指示準備行動，交易地點正係龍鼓灘！

2. 至少安排一次於貨櫃場打鬥

網民指TVB警匪片其中一個特色係至少安排一次於貨櫃場打鬥，而《鐵探》第2集，毒品大亨嚴世孝交易毒品正喺貨櫃碼頭發生！

3. 宣萱成為綁架目標

無論喜劇悲劇、現代古代，有宣萱嘅劇集就會有綁架發生，佢喺18年內所演的角色共被脅持22次，連電影和新加坡劇合共被脅持24次，堪稱人質王，但最離奇係被脅持的她每次最後都平安冇事。

4. 吳卓羲必曾因衝動累事

吳卓羲老是常出現，由舊款制服演到新款制服，涵蓋警隊不同階層，包括學警、散仔、藍帽子、CID、飛虎隊同埋其他特種部隊，甚至連臥底都演過，份CV靚仔過唔少真警察，之不過，其角色大都係衰衝動累事！

5. 結局時有別其他劇天台BBQ，多會全team人收call然後一起出動衝向鏡頭方向

結局時全team人收call然後一起出動衝向鏡頭方向，嗱，最近嘅例子係上周播出《法證先鋒》大結局，歐陽震華向蒙嘉慧求婚後，眾人收到傳呼機短訊通知有案件發生，歐陽震華話要立即做嘢，十幾人浩浩盪盪出發！

6. 主角條team多數為4男1女陣容，而當中基本有角色叫大X、細X、小X

7. 臥底中必有一死或變節

臥底中有人死、變節似乎係定律，喺《使徒行者2》第一集就帶來大震撼場面，卓Sir苗僑偉帶住5個臥底在泰國進行任務，完成後正向上司報喜領功，5個臥底卻在屋內被炸得粉身碎骨。

8. 白人演員如河國榮、布偉傑，至少為警司級別

9. 左輪手槍命中率奇高

在不少劇中，左輪手槍殺敵次數和威力遠高於其他一切知名槍械，如狙擊步槍、霰彈槍、衝鋒槍等！

10. 重案組只建立於西九龍警區，其他警區沒有重案組

警匪片就當然唔少得重案組，但唔知點解永遠都係關「西九重案組」嘅事，彷彿全港只有西九龍警區有重案組！