TVB台慶2024｜廖家爵曾文心奪潛質男女藝人 淚崩感言多謝爸爸

47名的潛質男、女藝人分別是（排名不分先後）：布樂文、陳力行、施焯日、張景堯、湯之欣、梁筠苓、黃瀅仴、何晉樂、Timothy、吳旻軒、黃意天、沈曈伽、彭家賢、侯雋熙、陳昊廷、江廷慧、李茵彤、劉芷玲、吳子冲、陳頌天、曹銦玲、葉靖儀、蔡景行、吳兆麟、周百恩、吳天佑、李紹堅、黃浩霆、廖家爵、邵展鵬、程浩駿、鄒兆霆﹕馮子亮、陳嘉俊、馮顯藝、伍韻婷、黃紫恩、曾文心、胡敏芝、李海銅、鄧美欣、鞏姿希、張天妮、羅皓誼、梁采貽、盧映彤、黃子桐。

車婉婉先在台上說：「喺台上有啲朋友仔，有啲入咗行三年，有啲入咗行五年，甚至更耐嘅時間，觀眾朋友未必對佢哋好認識，唔係好認得佢哋嘅樣，唔係好記得佢哋個名，但我知佢哋每一個每一日都好熱心，為自己嘅電視事業去打拼去努力。」

她續說：「我望住你哋，我諗番當日嘅我自己，我係新秀，入咗行3２年嘅車婉婉，真正第一次主持節目，係30年後嘅《好聲音》，今晚好榮幸第一次嚟到台慶嘅舞台，成為其中一個司儀，真係好夢幻，努力、堅持，唔好放棄，頂住，因為你新一頁人生，就係用你哋雙手創造出嚟。大家畀啲掌聲，畀啲鼓勵佢哋！」獲全場拍手！

大會頒發了由全台藝人總動員投選的「全台力撐潛質女 / 男藝人」獎項各一個， 視帝譚俊言頒發「全台力撐潛男藝人」獎，感謝大家的努力：「每次同你哋拍戲，我哋都睇到我哋嘅初心。我好緊張，頭先我喺後台我同振朗講，有個朋友仔，佢演我後生版，我同佢有個承諾，你拍戲時我陪住你，我拍戲時你陪住我。有日入到廠，佢要演醫院場景，佢要演爸爸就嚟唔得，佢嗰日演得好好，佢話佢爸爸真係病咗，佢真係就嚟唔得，但佢好敬業完成每個鏡頭，我想介紹佢，廖家爵，大個仔唔好喊。」

鏡頭一轉，廖家爵淚流滿面：「多謝，老豆你依家唔喺度，我知你會睇到，好多謝公司畀個獎我，我相信每個新人都想得到大家認同，我唔知講咩好。」他更哭得不能再說下去，全場大呼恭喜，譚俊言更送上緊緊的溫暖擁抱，場面感動。