林二汶現身TVB台慶被斥食兩家茶禮 開腔解釋語重深長：音樂係無任何邊界

撰文：轉載自New Monday｜圖片來源：Youtube@TVB(official)截圖、IG@lam2、連登討論區截圖

林二汶現身獻唱賀台慶

而另一環節「女星勁歌熱舞賀台慶」，是由Gin Lee、JW、欣宜、AGA、泳兒、吳若希、衛詩、菊梓喬、連詩雅、JUDAS、糖妹、譚嘉儀、在《全民造星4》擔任評判的鄭融、《星夢傳奇》女學員等一眾女歌手輪流獻唱過去《勁歌金曲》最受歡迎女歌手的金曲，期間驚見ViuTV常客、已有一段日子未有在TVB亮相的林二汶也有出席獻唱。

網友留言：對你失望！食兩家茶禮

有不少網友看到林二汶現身TVB台慶並獻唱後，紛紛到二汶的IG留言，並表示：「鋪排得幾好啊，等演唱會賣哂飛先去垃圾台慶生，之前係好唔開心買唔到飛，而家係覺得好彩我買唔到飛，拜拜林二汶。」、「你一直係我最愛的女歌手，除左你嘅音樂你嘅態度，骨氣都係我最respect，今見到報道話你上cctvb？！我真心唔明，上音樂節目都算，但點解會係台慶呢？！….好傷心失望丫」、「收咗幾多錢上去垃圾台台慶啊？最喜愛女歌手」、「我對妳非常之失望」、「因為viutv造星而令到大家喜愛你，帶俾你一個女歌手獎，到最後你居然走去人人喊打嘅隔離台賀壽⋯只有一句：觀眾捧得起你，都可以捧返你落黎⋯」

隨後亦有網友在連登討論區內開帖與眾人討論，指對林二汶大感失望，亦不明白為何要出席台慶：「無啦啦走去TVB自降身價 不了」、「當日覺得二汶好有義氣，有人唔做 去返做狗」，亦有人為二汶平反：「係香港做藝人慘過食三舊屎」、「你養佢？」

開LIVE解釋上TVB原因

繼上星期五林二汶現身TVB台慶並獻唱引發一連串網上罵戰之後，二汶終於在星期日透過Facebook Live開腔回應並解釋自己上TVB的原因，強調心「音樂無分邊界」是自己的信仰：「其實我做咗廿年音樂，我一直都好相信，音樂係應該冇分國界，無分任何嘅邊界，因為音樂本來係應該要嚟溝通，而唔係孤立，我哋其實一直追求緊係百花齊放，唔係咩？我今年開咗自己嘅音樂教室，我想嘗試傳遞一個訊息，就係音樂應該係冇分邊界，應該一心只為音樂嘅發展，如果我分得咁清，咁我教出嚟嘅學生，唔係會墨守成規同故步自封咩？我哋做音樂嘅人，我教出嚟嘅學生，我希望佢哋明白一個訊息，音樂係應該懂得海納百川。」對於二汶的解釋，網民同樣有讚有彈，有些非常支持二汶的信仰，但當中仍有不少網民堅持不應食「兩家茶禮」。

即睇網民留言：

新歌講「清水」

日前林二汶推出了一首新作品：並表示用清水去退散骯髒：「面對自己，最需要的就是時間。等時間過，就是經歷過程中最難過的部份。 這首歌，就是這樣一個心路歷程。 我的說話就來到這裡，餘下的時間，是屬於你和這首歌的私人時間。 留待時間去成全，凡事都有定期。 祝好。 二汶 上」

睇返二汶嘅表演：

不少網民對二汶現身TVB感到失望，認為她應該飲水思源，回去ViuTV撐節目。

謝絕《全民造星4》 林二汶難超越自己

ViuTV的《全民造星4》是「女生限定」，花姐(黃慧君)期望透過比賽發掘有潛質女新人，組成「全能女團」可以孖住MIRROR轟爆舞台。去年在《全民造星3》擔任導師的林二汶，再次獲花姐邀請擔任導師，不過二汶在社交網留言已口頭請辭做導師工作，她解釋：「上台容易落台難。我想像，如果我再次做導師，我都難以超越上一次嘅自己。既然唔能夠做得更好，何不讓更多有才之士去做？經過深思熟慮後，我先下呢個決定。」

林二汶投資音樂教室

林二汶衷心感激花姐同ViuTV讓她有機會成為《造星》導師，她婉拒了花姐好意的同時，亦宣布將會籌備一間音樂教室，希望將音樂從教育伸延落去，選址同師資已經確定，事在必行。

常見問題

問：今年TVB台慶中的「女星勁歌熱舞賀台慶」有什麼女星參加?
答：Gin Lee、JW、欣宜、AGA、泳兒、吳若希、衛詩、菊梓喬、連詩雅、JUDAS、糖妹、林二汶等等。
問：今年TVB台慶是幾多周年台慶?
答 : 是無綫電視邁向55周年台慶。