TVB主持賴彥妤繼唔用腦被鬧爆後真出事!今次竟輪到自己「遭殃」
「重要部位」受傷勁黑仔
話說賴彥妤(Vivienna)日前外出期間,不小心被路邊鐵馬壓傷右腿小脛骨,即時見血!賴彥妤亦入院治理傷口兼打破傷風針,對於呢次黑仔事,賴彥妤表示,當日見到個鐵馬反落嚟時,曾經嘗試避開,但無奈反應不到最後都被割傷,傷口有成12cm長。相片可見,有一條長長血痕,見到都覺痛!現時,賴彥妤透露最擔心係驚會留疤,她表示長腿係最鍾意嘅「重要部位」,在之前嘅《law霸女神》節目度都有哂長腿。
![賴彥妤 馮素波 tvb主播 相片可見有一條長長血痕,見到都覺痛!](https://imgs.orientalsunday.hk/wp-content/uploads/2023/05/16-5-2023-3.47_101678521264633719e890e.jpeg)
因一個蠢問題遭網民鬧爆
資深老戲骨馮素波現年78歲,因與組合MIRROR成員盧瀚霆(Anson Lo)撞樣,一度成為城中熱話。馮素波日前現身鄭丹瑞主持的醫學健康資訊節目,由於節目講腸道健康,她在接受TVB《娛樂新聞台》主持賴彥妤訪問時,自爆前年做過大腸手術,切了5分之1的大腸,出名「唔用腦」的主持賴彥妤竟追問:「咁你有冇咩秘訣呀?」,即場嚇呆馮素波!
![賴彥妤 馮素波 tvb主播 馮素波 切大腸 馮素波自爆做過大腸手術。](https://imgs.orientalsunday.hk/wp-content/uploads/2023/05/gr5bhsbpfpevflfjicuzez7tc5_v3e0npf5lkkx-zsg_10105003416460c6c366be4-1024x576.jpg)
馮素波自爆切5分之1大腸 主持賴彥妤笑問︰有冇咩秘訣呀?
馮素波在訪問中自爆:「前年我做咗個大腸手術,切咗5分1條腸,而家更需要健康,我而家好健康㗎!」此時,主持賴彥妤竟笑住追問:「咁你有冇咩秘訣呀?」馮素波即被嚇呆:「吓?秘訣?」主播賴彥妤即補充:「食清啲?定係⋯⋯」馮素波此時才懂反應:「我不嬲都食得好清,唔知點解清極都清唔到,你哋要小心。」反觀,鄧月平及林耀聲得知馮素波曾大病一場,都收起笑容表示慰問。
![馮素波 tvb主播 馮素波 切大腸 TVB主播賴彥妤竟笑住追問:「咁你有冇咩秘訣呀?」馮素波即被嚇呆。](https://imgs.orientalsunday.hk/wp-content/uploads/2023/05/oisafqjcaeumto07-jwqztsmtmvbvmesj98mhy_fjou_15955748046460c90b4a286-1024x576.jpg)
馮素波大腸內有腫瘤 膽已失功效
翻查資料,馮素波為注射疫苗進行身體檢查,一查之下發現大腸內有腫瘤,膽塞滿膽石已失去功效,起初以為是大腸癌,後來發現腸內的腫塊是腺瘤,幸好及時察覺,手術後休息4個星期已經可以復工拍劇。
![馮素波 tvb主播 馮素波 切大腸 姜麗文 無綫 姜麗文 賴彥妤去年12月才上場做主播,採訪經驗半年都冇。](https://imgs.orientalsunday.hk/wp-content/uploads/2022/05/19_5511368236274d919a7306.jpg)
賴彥妤已有前科 曾經激嬲郭富城
賴彥妤已經唔係第一次唔帶腦做訪問,最經典的一次一定要數她訪問郭富城嗰次。當時賴彥妤仲搶到到靚位企正郭富城旁邊可以一齊入鏡,但賴彥妤因為未有留心對方提到「會帶小朋友同屋企人睇燈飾?」五秒後重複問郭富城「會唔會帶埋小朋友⋯⋯」郭富城秒回發夢賴彥妤:「我頭先咪講咗囉!」他再望一望呢位女主持,然後表示:「我頭先講咗,我會帶我小朋友、我屋企人、太太一齊嚟呢度,因為我小朋友好鍾意⋯⋯」當時令不少網民認為賴彥妤不尊重受訪者。
![賴彥妤 馮素波 tvb主播 馮素波 切大腸 方力申 mapleyip 方力申 郭富城秒回後,都忍唔住望一望呢位「出色」TVB主持。](https://imgs.orientalsunday.hk/wp-content/uploads/2022/11/1ezxkj5xde8vvcn2oqqwxlobk0bc0ex-9ebgkfrayck_25068258563770bba6bbfa-1024x576.jpeg)
賴彥妤曾問喪母姜麗文「如何慶祝母親節?」
賴彥妤又曾問母親早逝的姜麗文「如何慶祝母親節?」,被狂批「冇做功課」。早前方力申大方認愛邪教性侵受害者Maple,小方出席活動時被問到,日後會否帶女友出席公開活動,方力申就明言沒有這個計劃,但賴彥妤似乎「遊緊魂」追問:「有冇諗過情侶檔接Job?」頓時全場dead air,此時方力申臉色一沉回答:「應該就唔會喇,因為佢唔係圈內人。」事後大批網民狂轟賴彥妤完全沒有尊重方力申。
![馮素波 tvb主播 馮素波 切大腸 方力申 mapleyip 方力申 無綫 幸好姜麗文EQ高又大方,順利化解尷尬問題,賴彥妤即時發現講錯說話,表現得一臉惶恐。](https://imgs.orientalsunday.hk/wp-content/uploads/2022/11/2_11556569456378dec84af65-1024x564.jpg)
賴彥妤選港姐28強止步
現年27歲的賴彥妤是2021年落選港姐,畢業於英國高雲地利大學法律系碩士,擁兩個碩士同深造文憑學位,2019年參加英國華裔小姐攞冠軍,2020年曾參選港姐但落選,2021年捲土重來再選港姐,被封「英國學霸」,不過28強止步,最終仍獲TVB簽約,現主力擔任娛樂新聞台主持一職。
![馮素波 tvb主播 馮素波 切大腸 姜麗文 無綫 姜麗文 27歲的無綫娛樂新聞台主播賴彥妤。](https://imgs.orientalsunday.hk/wp-content/uploads/2022/05/15_18870043776274d91807729.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!