美麗40路︱亞軍38歲馬麗如神還原林明禎招牌動作 可愛口音獲睇好

泳裝問答馬麗如扮林明禎 揀Edan做老公！

而在泳裝問答環節上，司儀強尼問到：「你除咗有唔少fans之外，仲得到圈中人嘅關注，假如要在林雪、八両金、Edan之中揀一位做老公，你會點揀？」馬麗如好快就答：「我會揀Edan，因為我妹妹鍾意佢」，之後被追問會唔會帶佢返台灣生活，馬麗如笑指會兩邊走，兩邊都發展，認真體貼！

38歲Taylor獲封「翻版林明禎」

16號佳麗馬麗如（Taylor）現年38歲，但依然保養得非常好，加上Taylor已經移民台灣超過10年，主持們都笑Taylor台灣味濃，「要同佢講普通話」溝通，網友就指佢無論髮型同口音都有啲似林明禎，封她為「熟齡林明禎」。

Taylor被指撞樣53歲女星

網民都睇好Taylor會躋身三強，認為Taylor外表甜美又夠可愛：「Taylor又幾cute」「呢個game馬麗如應該贏梗」。此外，網民亦認為Taylor除了似林明禎之外，亦認為她同53歲陳松伶撞樣：「其實我覺得Taylor 似 陳松齡 多過 似 林明楨」。

Taylor移民台灣10年 同型男老公開火鍋店

Taylor為土生土長的香港人，在10年前嫁到台灣後與老公一起經營火鍋店。Taylor老公同為型男一名，常常在IG夫妻檔拍照買廣告。Taylor表示今次比賽期間時不時港台兩邊走，夠曬忙！